दमक, १४ असार/झापाको बिर्तामोडमा पत्रकार आचारसंहिता र स्थानीय तहमा रिपोर्टिङबारे अन्तरक्रिया कार्यक्रम सम्पन्न भएको छ।
नेपाल पत्रकार महासंघ झापाको आयोजना,प्रेस काउन्सिल नेपाल र कोशी प्रदेश सरकार अन्तर्गतको आन्तरिक मामिला तथा कानून मन्त्रालयको संयुक्त सहजीकरणमा सम्पन्न भएको हो।
कार्यक्रममा नेपाल पत्रकार महासंघका पूर्वअध्यक्ष तथा वरिष्ठ पत्रकार शिब गाउले र प्रेस काउन्सिल नेपालका मुख्य अधिकृत झविन्द्र भुषालले सहजीकरण गर्नुभएको थियो। उहाँहरूले पत्रकारितामा देखिएका विकृति र चुनौतीबारे चर्चा गर्दै, पत्रकारले पालन गर्नुपर्ने आचारसंहिता र स्थानीय तहका विषयमा कसरी प्रभावकारी रिपोर्टिङ गर्न सकिन्छ भन्नेबारे जानकारी दिनुभएको थियो।
सोक्रममा पत्रकारहरुले पनि सञ्चारमाध्यममा आएका समाचारमाथि आएका अंकुश र प्रेस स्वतन्त्रतारिुद्धमा भएका घटनामा प्रेस काउन्सिलको स्पष्टताबारे चासो राखेका थिए । पत्रकार महासंघ झापाका अध्यक्ष एकराज गिरीको अध्यक्षतामा सम्पन्न कार्यक्रममा झापाका विभिन्न स्थानबाट सक्रिय पत्रकारहरूको उल्लेख्य उपस्थिति रहेको थियो।
