दमक, ३१ असार । साउन नजिकिँदै गर्दा बजारमा फेरि चुरा र मेहेन्दीको रौनक सुरु भएको छ । हरियो चुरा साउन महिनाको विशेषता मात्र होईन, व्यवसायिक रुपमा पनि व्यापारीहरुको लागी ठूलो अवसर हो । यो पटक बजारमा साउनको रौनक कस्तो छ र व्यापारीहरु कति को उत्साहित छन् त ?
दमक बजारमा ठाउँ ठाउँमा चुरा र मेहेन्दीको अस्थायी स्टलहरु राखिएका छन । कतिपय फेन्सी पसलभित्रै साउन अफर चलिरहेको देखिन्छ । हरिया चुरा र मेहेन्दी बेच्न रखिएको ठाउँमा महिलाहरुको भिड देखिन्छ ।
हरियो रङलाई शुभ, समृद्धी र शान्तिको प्रतिक मानिन्छ ।त्यसैले साउन महिनामा महिलाहरुले हरियो चुरा लगाउने चलन भएकाले आफू पनि साथीहरुसँग मिलेर हरियो चुरा किन्न आएको बताउनुहुन्छ चुरा किन्न बजार आउनुभएकी दमक—८की कमला प्रसाईँ खरेल ।
साउन सुरु भएसगैँ बजारमा चहलपहल देखिन्छ । तर चलपहल जस्तो व्यापार चाहिँ संतोषजनक छैन । दमक चौकमा चुरा व्यापार गर्दै आउनुभएका व्यवसायी सम्भु राम साउन महिना सुरु भएपछि व्यापार बढ्ने अपेक्षामा हुनुहुन्छ ।—
विगतको वर्षहरुको तुलनामा यो वर्ष त्यसको आधा पनि चुरा बिक्री नभएको दमक बजारमा अम्बिका फेन्सी पसल सन्चालन गरिरहनुभएका व्यवसायी कृष्णप्रसाद पाठक बताउनु हुन्छ ।
साउनको शुरुवातमा बजार केही सुस्त भए पनि व्यापारीहरु अझै आशावादी छन् । साउनमा चुरा तथा मेहन्दिको खास महिना भएकोले यसको व्यापार बढ्ने गर्छ ।
भिडियो लिंक
