दमक, १३ साउन | दमकबाट उत्तर तर्फ बेलडाँगी जाने सडक अहिले निर्माणाधीन छ । तर यो निर्माणाधीन काम असार अघी सम्म हुनुपर्ने हो । असारमै काम सक्ने सम्झौता भएपनि ठेकेदार कम्पनीले समयमा काम नसक्दा यो सडकले अनेकन जोखीम बढाइरहेको छ । सडकको दुवै किनारमा खनेर बिचमा डील सहितको सडक अलपत्र पारिएपछि सडक जोखिमयूक्त बनेको हो ।
असार मसान्तसम्म काम सक्ने गरि निर्माण कम्पनीले ठेक्का लिगेको दमकको बेलडाँगी रोड अन्तर्गत पर्ने रामचोक देखी बेलडाँगी सम्मको सडकको काम साउनको दोस्रो हप्ता सुरु भईसक्दा पनि सम्पन्न हुनसकेको छैन । दमकको बेलडाँगी हुदैँ इलाम, पाँचथर र ताप्लेजुङ सम्म जाने गाडी समेत कुद्ने यो सडक निकै व्यस्त छ । यो सडकलाई फराकिला बनाउने भन्दै निर्माण कार्य थालिएको भएपनि यसले समयमा सम्पन्नता नपाउँदा दुर्घटनाको पासो बनीरहेको छ ।
यहाँ डे्रनको लागी खनिएको ठाउँमा डे्रनको निर्माण कार्य ढिलो हुदाँ सडक किनारमा रहेका बिजुलीका पोलहरु ढल्न थालेका छन् । यसरी पोल लडेर घरमा लाग्दा हाफ्नो ज्यान जोगाउन पनि गाह्रो भएको बताउनुहुन्छ दमक २की स्थानिय कन्चन लिम्बु ।
फराकिलो बनाउने भन्दै निर्माण कार्य थालिएको बेलडाँगी सडकमा अहिले पैदल हिड्न पनि असहज छ । सामान्य वर्षा भयो भने बाटो चिप्लो हुन्छ । सवारी साधन चलाउनै गाह्रो । पानी नपरेर घाम लाग्यो र हावा चल्यो भने सडकको धुलो घरको भान्साकोठा सम्मै पुग्छ । यसरी अलपत्र पारिएको सडकले सास्ती दिइरहेको अर्को स्थानीयबासी सुकुमारी खड्का दुखेसो सुनाउनु हुन्छ ।
यहाँ चोविसै घण्टा सवारी साधन चल्ने गर्छ । तर यो सडकमा अहिले भने सवारी साधन चलाईरहँदा निकै जोखिमको सामना गर्नुपरेको यही सडक भएर अटो रिक्सा कुदाइरहनु भएका वीवन लिम्बुले आफ्नो सास्ती सुनाउनु हुन्छ ।
यस अघी यो काम असार मसान्त सम्म सक्ने सम्झौता भएको थियो । तर अहिले काम गर्ने सम्झौतानै ढिला भएको र मौसमका कारणपनि काम गर्न अवरोध भएकोले तीन महिना समय थप गराइएको दमक नगरपालिका वडा नं २ का वडाध्यक्ष प्रजापति सापकोटाले जानकारी दिनुभयो ।
