दुर्घटनामा हात भाँचियो : उपचार त भयो तर विदेश जाने सपना सकियो

दमक, २० साउन ।  १४ महिनाअघि झापा गौरादह ५ कोहोबोराका भीमप्रसाद ठाकुर घरबाट आफन्त भेटघाटकालागी विर्तामोड जादै हुनुहन्थ्यो । ५ वर्ष जापान बसेर आउनु भएका उहाँ नेपाल आएका बेला आफन्त भेट्न र अन्य सरकारी कामको कागजात मिलाउन भनेर बिर्तामाड जादै हुनुहन्थ्यो । तर उहाँले त्यसदिन आफन्त भेट्न पाउनु भएन ।

बिर्तामोड पुग्नु अघीनै उहाँको लक्ष्मीपुरमा मोटरसाईकल दुर्घटना भयो । दुर्घटनापछि बिहोस हुनु भएका उहाँ विर्तामोड स्थित बिर्ता सिटि अस्पतालको बेडमा व्यूँझिनु भयो । व्यूँझिदा उहाँको देव्रे हातको कुइँनोको हड्डी भाँचीएको र अन्य सानाखाले चोट लागेर रगत बगेको थाह पाउनु भयो ।

त्यतिञ्जेल सम्म उहाँको प्राथमीक उपचारका साथै बढि दखल परेको ठाउँको एक्स–रे पनि गरिएको थियो । एक्स–रे को रिपोर्टमा कुहिनोको हड्डी भाँचीएको र यसलाई जोड्न अपरेसशन नै गर्नु पर्छ भन्ने देखिएपछि उहाँ त्यहि रिपोर्ट बोकेर दमक ९ क्याम्पसमोडमा रहेको निम्स नेशनल हस्पिटल आउनु भयो । घरको पनि नजिक र अपरेशन पनि सुरक्षीत र राम्रो हुने सुनेरै उहाँ यस अस्पतालमा आएर अपरेशन गरेको र अहिले करिव जाती भएको प्रतिकृया दिनुहुन्छ ।

निम्स नेशलन हस्पिटल आउँदा उहाँ हातमा काम्रो जस्तो लगाएर आउनु भएको थियो । उहाँको अवस्था बारे थप प्रष्ट हुन यहाँ फेरी एक्स–रे गरीयो । त्यो रिपोर्टले पनि तुरुन्तै अपरेशन गरिहाल्नु पर्ने देखाएपछि अपरेशन थिएटरमा हालीयो ।

त्यसपछि यस अस्पतालका हाडजोर्नी तथा नसा रोग विषेशज्ञ तथा मेडिकल सुपरिटेण्डेण्ट समेत रहनु भएका डा. नबिन कुमार सिंहको नेतृत्वमा उहाँको अपरेशन सुरु गरियो ।

डा. सिंहको टिमले ठाकुरको अपरेशन र निरन्तर परामर्ष गराएपछि अहिले उहाँ जाती बन्नु भएको छ । अव केहि समय फिजियो थेरापी गरेपछि फेरी पहिलेकै अवस्थामा फर्कन सक्नु हुने उपचारको नेतृत्व गर्नुभएका डा. सिंहले बताउनु भएको छ ।

अहिले ठाकुर जाती त बन्दै हुनुहुन्छ । तर त्यसबेला उहाँ फेरी कामकालागी वैदेशिक रोजगारीमा जाने योजनामा हुनुहुन्थ्यो । जापान जानुअघी झण्डै १४ वर्ष कतारमा काम गरेको कम्पनीले सम्पर्क गरेर फेरी आउन भनिरहेको र त्यसैको तयारी गरिरहेका बेला दुर्घटनामा परेपछि उहाँको फेरी विदेश जाने सपना पुरा भएन ।

अहिले उहाँ घरकै खेतीपातीको अवस्था निहाल्ने र सामान्य हेरबिचार गर्ने काम गरिरहनु भएको छ । ३ छोरी , १ छोरा र श्रीमती सहित उहाँ अहिले कोहोबोरामा बसिरहनु भएको छ । दुईवटा स्टिल लगाएको कुहिनोको हड्डी अहिले जोडीएको छ भने नसामा देखिएको दखल पनि जाती भएको छ ।