दमक, २५ साउन । झापाली समाज इजरायल नामक संस्थाले आइतबार दमक–९ स्थित सरस्वती माध्यमिक विद्यालयमा दृष्टिविहिन र अटिजम भएका विद्यार्थीहरुको लागी विशेष सहयोग हस्तान्तरण गरेको छ ।
२०१५ सालमा स्थापना भएको यस संस्थाले इजरायलमा बसोबास गर्ने नेपालीहरु विषेश गरी झापाली समुदायबाट संकलित सहयोग मार्फत निरन्तर सामाजिक सेवा कार्य गर्दै आएको छ । आजको कार्यक्रममा वडा नं ९का अध्यक्ष, विद्यालय व्यवस्थापन समितीका अध्यक्ष , शिक्षक शिक्षिका , विद्यार्थी अभिभावक र विभिन्न सरोकारवालाहरुको उपस्थिति थियो ।
कार्यक्रमको मुख्य उद्धेश्य भनेको सरस्वती माध्यमिक विद्यालयको छात्रवासमा बस्नुहुने दृष्टीविहिन र अटिजम भएका विद्यार्थीको जिमनमा सहजता ल्याउनुरहेको झापाली समाज इजरायलका संस्थापक संरक्षक साथै इजरायल रिर्टनी जय ओडारी बताउनुहुन्छ।
संस्थाद्धारा विद्यालयले डबल डुअर फ्रिजका साथै केही टेबल पंखा गरि करिब १ लाख बराबरको साम्रागी पाएका बताउनुहुन्छ सरस्वती माध्यमिक विद्यालयको व्यवस्थापन समितीका अध्यक्ष गगन पूरी । उहाँले यस खाले सहयोगले विद्यालयलाई निकै राहात पुग्ने भन्दै संस्थालाई धन्यवाद पनि व्यक्त गर्नुभयो ।
विदेशमा बसेर पनि आफ्नो देशमा सहयोग गर्नु एउटा प्रेरणादयी उदाहरणको रुपमा लिन सकिन्छ ।
