दमक, २९ साउन । दमकका होटल व्यवसायीहरुले हरेक पटक भन्ने गर्छन्र दमकको पहिचान अर्गानिक खाना हो । यहाँ अन्तको भन्दा अर्गानिक खाना पाइन्छ ।
सायद दमकमा विषादी नमिसाइएका तरकारी उत्पादन हुन्छन् र त्यही ल्याएर पकाउने र बेच्ने गरेकोले होटल व्यवसायीले यस खाले दाबी गरेको हुन सक्छ । दमकलाई अर्गानिकको हव बनाउन यहाँका व्यवसायी मात्रै नभएर सरकार पनि लागी परेकै छ । त्यसैले दमकमा भव्य , सुविधासम्पन्न र आधुनीकी अर्गानिक कृषि बजारनै बनाइएको छ ।
करोडौको लगानी गरेर । तर यो बजारमा अहिले अर्गानीक तरकारी पाउँदैन । किनकी यहाँ ताला लागेको । ताला खोलेर भीत्र गइहाल्यो भने झार उम्रेर सबै ढाकीन थालेको छ । बनेका संरचना भत्कन पनि थालेका छन् । दमक नगरपालिकाले यो बजार बनीकेको ४ वर्ष भइसक्दा पनि अझै सञ्चालनमा ल्याउन सकेको छैन । त्यसैले यस्तै बेलामा प्रयोग गर्न बनाइएको होला माल पाएर चाल नपाएको भन्ने उक्ती ।
गत वर्षको फागुन २७ र २८ दमक नगरपालिकाले अर्गानिक कृषि बजारमा रैथाने उत्पादनको प्रर्वधन गर्न भन्दै भव्य मेलाको आयोजना गर्यो । सो अवसरमा दमक सहित आसपासका किसानहरुले आ आफ्नो उत्पादन ल्याए । प्रर्दशन मात्रै गरेरन राम्रो व्यापार पनि भयो । तर यो काम निरन्तर हुन्छ होला भन्ने अपेक्षा थियो । तर त्यो कार्यक्रमपछि यो बजारको मुल गेटमा लागेको ताल्चा अहिले सम्म खुलेको छैन । खुल्यो त गत असारमा जुत्ता चप्पल मेला लगाउन । तर यहाँ किसानले कहिले आफ्ना उत्पादन ल्याएर बेच्ने । दमक बजारमा रहेको तरकारी बजारमा कुन अर्गानीक कुन विषादी त्यो छुटिदैन । दुवै उत्पादनलाई एकै ठाउँमा पनि राखेर बेचीरहेका छन् । यो दुविधा उपभोक्तामा नहोस भनेर विषादि रहित तरकारी तथा कृषिजन्य उत्पादनको छुट्टै बिक्रि वितरण गर्न यो बजार निर्माण गरिएको हो । तर यो बजार चलाउन दमक नगरपालिकाका अहिलेका जनप्रतिनिधीलाई फलमको चिउरा चपाउनु जस्तै भएको छ । अघील्लै कार्यकालमा निर्माण भएको यो बजार अहिलेका जनप्रतिनिधीको कार्यकाल आदा भन्दा धेरै अवधी सकिसक्दा पनि यसको सञ्चालनको सुरसार अझै भएको छैन । किसान आफ्नो उत्पादन कुन बजारमा लगेर बेच्नु भन्दै प्रश्न गरिरहेका छन् । दमक ८ मै व्यवसायीक कृषि कर्म गरिरहनु भएका उमेश कृृषि फर्मका सञ्चालक राजु यादव अर्गानिक कृषी बजार सञ्चालनमा आईदिए आफूहरुले सिधै उपभोक्तासँग जोडिन पाउने र यसरी उपभोक्ताले व्यापारीलाई अनावश्यक बढी पैसा तिर्न नपर्ने बताउनुहुन्छ ।
करिब १० कठ्ठा क्षेत्रफलमा फैलिएको दमक ८ मा रहेको यो अर्गानिक कृषि बजारको भवन काेशी प्रदेश सरकारको २ करोड ७५ लाख र दमक नगरपालिकाको १ करोड १७ लाख ४८ हजार ८३८ रुपैयाँ बजेटमा बनेको हो । अहिले यो भवनको भीत्रपट्टिका संरचनाहरु भत्कन थालीसकेका छन् । आँगनभरी झार उम्रेर ढाकीएको छ । चिस्यान केन्द्र बनीसकेर पनि यत्तीकै वेवारीसे अवस्थामा थन्कनु परेको छ । किसान भने सहज चिस्यानको सुविधा नपाएर छटपटि रहेका छन् । यसरी किसान, उपभोक्ता र व्यापारी सबैलाई सहज र सुविधा हुने यो बजार सञ्चालन गर्न किन आनाकानी गर्नु भएको भनेर हामीले दमक नगरपालिकाका प्रमुख राम कुमार थापालाई प्रश्न गरेका छौ । उहाँले यसको सञ्चालनको मोडालिटी र कार्यविधि बन्न ढिला भएका कारणले गर्दा सञ्चालनमा ल्याउन नसकीएको प्रतिकृया दिनु भएको छ ।
आधुनीक भवन छ । फराकीलो क्षेत्र छ । खुल्ला र आनन्दको संरचना छ । सबै सुविधा छ । यो भवन चलाउने हो भने दमक नगरपालिकालाई राजस्व पनि आउछ । तर पनि सञ्चालनमा अझै ढिलासुस्ती हुनुलाई जनताले माल पाएर चाल नपाउने नेतृत्व भन्दै कुरीकुरी गरेका छन् ।
