दमक, ३० साउन । ज्येष्ठ नागरिकप्रति सम्मान र कदर प्रकट गर्ने उद्देश्यका साथ जेष्ठ नागरिक सम्मान प्रतिष्ठान नेपाल दमक–१ शाखाले विशेष सम्मान कार्यक्रम आयोजना गरेको छ ।
प्रतिष्ठानले बार्षिक साधारण सभाको अवसरमा सम्पन्न उक्त कार्यक्रममा ७० वर्षमाथिका ज्येष्ठ नागरिकलाई ढाकाको टोपी र छाता प्रदान गरी सम्मान गरिएको हो ।
दमक नगरपालिका वार्ड नं १ का वार्ड सदस्य रघुविर बुढाथोकी (प्रकाश) प्रमुख अतिथी रहनु भएको कार्यक्रमले ज्येष्ठ नागरिकहरूको मनोबल बढाउन, उनीहरूलाई सक्रिय जीवनयापनतर्फ प्रेरित गर्न र भावी पुस्तालाई ज्येष्ठ नागरिकप्रति सम्मान गर्न प्रेरित गर्ने उद्देश्य राखिएको प्रतिष्ठान केन्द्रिय अध्यक्ष दुर्गा पौडेलले प्रकाश पार्नु भयो ।
प्रतिष्ठानका अध्यक्ष अम्बर ब. बस्नेतको अध्यक्षतामा सम्पन्न कार्यक्रममा उहाले संस्थाको बार्षिक प्रगति प्रतिवेदन प्रस्तुत गर्नुभएको थियो ।
प्रतिवेदनमार्फत उहाँले पछिल्लो एक वर्षको अवधिमा संस्थाले बुबाको मुख हेर्ने दिन कार्यक्रम, जेष्ठ नागरिक तिर्थटान कार्यक्रम,मातातिर्थ औशीमा आमालाई सम्मान तथा स्वस्थ्य सचेतना, मुक्तिनाथ तिर्थयात्रा भ्रमण,लगायतका विविध सामाजिक कार्य सम्पन्न गरेको जानकारी दिनुभयो ।
अध्यक्ष अम्बर ब. बस्नेतले प्रतिष्ठानको उद्धेश्य नै जेष्ठ नागरिकको संरक्षण र सम्मान गर्ने रहेको उल्लेख गर्दै यसअघि गर्दे आएको सम्मान कार्यक्रमलायृ निरन्तरता दिएको बताउनुभयो ।
सम्मान कार्यक्रममा बोल्दै सम्मानित ज्येष्ठ नागरिकहरूका प्रतिनिधिले आफूहरू प्रति संस्थाले देखाएको सम्मान र सद्भावप्रति आभार व्यक्त गर्दै यस्ता प्रयासहरूले समाजमा सकारात्मक सन्देश फैलाउने धारणा राखेका छन् ।
कार्यक्रमलाई थप सांस्कृतिक र उत्साहपूर्ण बनाउने उद्देश्यले प्रतिष्ठानले महिला ज्येष्ठ नागरिकहरुलाई लक्षित गर्दै तीजको ’दर खाने’ विशेष कार्यक्रम समेत आयोजना गरेको थियो ।
प्रतिस्ठान वार्ड नं १ साखाका सचिव भोलानाथ ओलीले सन्चालन गर्नुभएको कार्यक्रममा ,उपाध्यक्ष मनी कुमार सुबेदीले स्वागत गर्नुभएको थियो ।
कार्यक्रममा सस्थाका पदाधीकारी, ज्येष्ठ नागरिक तथा महिलाहरुको उल्लेख उपश्थिती रहेको थियो ।
