दमक, ३१ साउन । दमक ५ मा एक परिवारले कक्षा ११ मा अध्ययनरत कमजोर आर्थिक अवस्था भएको एक छात्रालाई सहयोग गरेको छ । उक्त परिवारले छात्रा प्रज्ञा पौडेलको पढाई खर्च वेहोरेको हो । सोही सहयोगको कदर गर्दै दमक ५ वडा कार्यालयले शुक्रबार सो परिवारलाई बोलाएर सम्मान गरेको हो ।
छात्रा प्रज्ञा पौडेललाई दमक बहुमुखी क्याम्पसमा भर्ना गराउँदै पढाई खर्च समेत वेर्होने दमक ५ कै दाहाल परिवार हुन् । यो परिवारले यसभन्दा अघि पनि विभिन्न सहयाृग गर्दै आएको छ । सम्मान कार्यक्रममा छात्राकी हजुरआमा कन्चनी राइले सहयोगी परिवारप्रतिआभार व्यक्त गर्दै यस सहयोगले आफ्नो नातिनीको भविष्य उज्जवल बनाउने विश्वास व्यक्त गर्नुभयो ।
पैसाकै अभावमा कसैले पढ्न नपाउनु भनेको अन्याय हो । हुनेले सकेको सहयोग गर्ने र एकजना हुनेले एकजना नहुनेलाई पढाउने मात्रै गर्यो भने पनि त्यसले परिणाम दिन सक्छ । सामाजीक रुपान्तरणको एउटा आधार बन्न सक्छ । त्यसैले सहयोगकर्ता परिवारका छोरा उत्सव दाहालले आगामी दिनहरुमा पनि आवश्कताका आधारमा अन्य क्षेत्र र समुदायमा सहयोग गर्ने उल्लेख गर्नुभयो ।
हुन त यसखाले काम राज्यको तहबाट हुनुपर्ने हो । तर राज्यले सबै क्षेत्रमा भनेकै समयमा गर्ने क्षमता पनि राख्न सकिरहेको हुँदैन । समाजमा रहेका यस्ता सहयोगीहरुको सहकार्यबाट यहाँका आवश्कता र समस्याको जुक्ति निकाल्दै काम गरिरहेको दमक नगरपालिका वार्ड नं ५ का वडाध्यक्ष इन्द्र गुरुङले बताउनु भयो ।
समाज परिवर्तन गर्न र समाजका समस्या समाधान गर्न एउटा पक्षमात्रै सकरात्मक भएर सम्भव हुँदैन । सबै पक्ष यसमा लाग्नै पर्छ ।
