Search
Close this search box.
"स्वास्थ्य सेवा विस्तार"

दमक अस्पतालमा अव नसर्ने रोगका रोगीका लागि नयाँ कार्यक्रम आउँदै , डा. भगवान कोइरालासँग भयो सम्झौता

दमक/
झापाका दमक अस्पतालमा नयाँ सेवा बिस्तार हुने भएको छ । यो सेवा नेपालका ७ सय ५३ मध्ये ३ वटा पालिकामा दमकपनि छनौट भएको हो । उप प्रमुख गीता अधिकारीको पहलमा नसर्ने रोगहरुको व्यवस्थापन(पेन-प्लस) गर्ने गरिको नयाँ स्वास्थ्य सेवा बिस्तार गरिएको दमक नगरपालिकाकी उप प्रमुख अधिकारीले जानकारी दिनुभयो ।

यो कार्यक्रम अन्तर्गत कार्डियो( मुटु) डाइबेटिज, सिओपिडि र पाठेघरको मुखको क्यान्सर तथा स्तन क्यान्सर पहिचान गरि उपचार सम्म गरिन्छ । यहाँ उपचार सम्भव नभए धरान स्थित बिपि कोईराला स्वास्थ्य विज्ञान प्रतिस्ठानमा रिफर गरेर पठाईने पनि बताइएको छ । धरानमा यहाँबाट पठाइएका बिरामीकालागि सहयोग गर्न छुट्टै हेल्प डेस्क स्थापना गर्न अस्पतालका भिसि लगयात अन्य व्यवस्थापन पक्षसँग परामर्ष गर्ने प्रतिस्ठानका प्रा. डा. सञ्जिव शर्माले जानकारी दिनुभयो ।

दमक अस्पतालमा नयाँ सेवा बिस्तार गर्ने सम्बन्धमा काठमाडौ इन्स्टिच्यूट अफ चायल्ड हेल्थसँग दमक नगरपालिकाले सम्झौता पनि गरेको छ । बिहिबार नगरपालिकाको सभाहलमा नगरका प्रमुख रोमनाथ ओली, उप प्रमुख गीता अधिकारी र काठमाडौ इन्स्टिच्यूट अफ चायल्ड हेल्थका तर्फबाट अध्यक्ष प्रा.डा. भगवान कोईराला बिच सम्झौता भएको हो ।
सम्झौतामा सेवा सञ्चालन गर्नकालागि दुवै पक्ष आवश्यक सहकार्य गरेर काम गर्न तयार हुने, आवश्यकता र उपयोगिताका आधारमा यससँग सम्बन्धीतका सबै सरोकारवालाहरुले काम गर्ने र गराउने, कार्यक्रमलाई कार्यान्वायन गर्न आवश्यक पर्ने निती बनाउन सरोकारवाला बिच सहकार्य हुनुपर्ने र माथी उल्लेखीत बाहेक अन्य सेवा गर्नुपरेमा आपसि समझदारीमा सहमति जुटाएर काम गर्ने उल्लेख गरिएको छ ।
यसकालागि आवश्यक पर्ने जनशक्ति तथा उपकरण व्यवस्थपनमा केहि चुनौती देखिएपनि दमक तथा दमक आसपासका लागि यो कार्यक्रम महत्वपूणर् भएको नगरका प्रमुख ओलीले बताउनु भयो । अव यो सुविधा लिनैका लागि दमक बाहिर रहेका निजी अस्पतालमा महगो शुल्क तिर्न जानु पर्ने बाध्यता पनि हट्ने प्रमुख ओलीले बिस्वास गर्नु भएको छ ।

यो सेवा बिस्तार हुने बित्तीकै यस क्षेत्रका ७ हजार बढिले सेवा लिन सक्ने काठमाडौ इन्स्टिच्यूट अफ चायल्ड हेल्थले अनुमान गरेको छ । डा.बिराजमान कर्मचार्यले कार्यक्रमको बारेमा जानकारी दिदै भन्नुभयो ‘यो कार्यक्रम यहाँ कार्यान्वान हुनु यस क्षेत्रका नागरिकका लागि निकै अर्थपूणर् र प्रभावकारी हुने छ ।’

यसकालागि आवश्यक पर्ने जनशक्ति स्वास्थ्य मन्त्रालयले नैे दर्बन्दी खडा गरेर पठाउन पनि माग गरिएको छ । यस विषयमा मन्त्रालयमा छलफल गरेर हुन सक्ने सम्मको सहयोग गर्ने मन्त्रालयका नसर्ने रोग कार्यक्रमका संयोजक डा. फडिन्द्र बरालले बताउनु भयो ।


नगरपालिकामा यो कार्यक्रमको सम्झौता पछि यहि टोलीले निर्माणाधिन दमक अस्पताल भवनको अनुगमन पनि गरेको छ । अनुगमन पछि बोल्दै डा. कोईरालाले भवन भब्य बन्दै गरेको र यसको निर्माण सम्पन्न भएपछि यस क्षेत्रका नागरिकको स्वास्थ्यसँग जोडिएका अन्य सेवापनि यहाँबाट चलाउन सकिने सुझाव दिनुभएको थियो ।

Share:

Facebook
Twitter
Email
WhatsApp