दमक, २४ भदौ ।दमक नगरपालकाको मुख्य चोक क्षेत्र । आकाशे पुलको मुनी शान्त्तीपूर्ण प्रर्दशन भइरहेको थियो । त्यसपछि इलाका प्रहरी कार्यालय हुदै नगरपालिकाको कार्यालय तर्फ प्रदर्शनकारीको भीड अघी बढेको थियो । प्रहरी कार्यालयमा त्यहि बेला आक्रमण गर्ने हो कि भन्ने गरि प्रहरीहरु प्रदर्शनकारी देख्ने वित्तीकै तयारी अवस्थामा बसेका थीए । तर त्यहाँ एक मिनेट पनि होल्ड नभइ प्रदशर्नकारीहरु नगरपालिका तर्फ अघी बढे । त्यसपछि बाटोमै पर्ने नगर प्रमुख राम थापाको घर घेरे । घरमै बसी रहनु भएका मेयर राम थापालाई बाहिर निकालीयो । आन्दोलनका बारेमा आफ्नो धारणा लगाउन लगाइयो । उहाँले आफ्नो समर्थन रहेको बताउनु भयो । अनी घर भीत्र पस्नु भयो । तर घर भीत्र जान खोज्दा उहाँलाई फेरी बाहिर निकालीयो र सगै हिडाइयो । त्यसपछि नगरपालिका अगाडी पुर्याएर भाषण गर्न लगाइयो ।
उहाँले भाषण गरेपछि उहाँलाई उहाँका कार्यकर्ताहरुले सुरक्षीत स्थानमा लगीहाले । मेयरको प्रस्थानपछि नगरपालिका तोफोड नगरौ भन्दै एउटा समुह चोक तर्र्फै फर्कियो । तर अर्को समुह त्यहि बस्यो । अनी नगरपालिका तोफोड सुरु भयो ।
यो काम तोफोडमा मात्रै सिमित भएन । नगरपालिका भीत्र प्रदर्शनकारी पसे । भीत्र रहेका प्रहरी भागे । अनी नगरपालिका भीत्रका भवनमा हुर हुरी आगो लगाइयो । सबै कागजपत्र जलाउने काम भयो । आगो निभाउलान कि भनेर भीत्रको बारुणयन्त्रलाई पनि बाहिर निकाल्यो ।
यसपछि प्रदर्शनकारीहरु सोझै केपि शर्मा ओलीको अस्थाई निवास दमक ९ तर्फ लागे । सुरुमा प्रहरीले सुरक्षा दिने प्रयास गरेपनि हजारौ संख्यामा आएका प्रदर्शनकारीहरुका अगाडी प्रहरी निरिह बन्यो । प्रहरी घरबाट निस्क्यो । प्रदर्शनकारीले घर भीत्रै पसेर तोडफोड गर्दै तल र माथी आगो लगाइदिए ।
यसछि नजिकैै रहेको नेकपा एमालेको पार्टि कार्यालयमा पनि उनीहरुले आगो लगाइदिए । पार्टि कार्यालयका फर्निचर तथा अन्य सामान बाहिर निकाले र आगलागाएर निस्के । अनी कार्यालययको भीत्रको भागमा पनि आगलागाएर प्रदर्शनकारी त्यहाँबाट निस्के ।
यसपछि प्रदर्शनकारी माओवादी पार्टिको कार्यालय तर्फ लागे । आलीसान भवन रहेको माओवादी पार्टि कार्यालय क्षणभरमै तहस नहस भयो । हुर हुरी बल्यो र जल्यो ।
पार्टि कार्यालयमा आगो लगाएदिएपछि यही ठाउँमा रहेका माओवादीका विवादीत नेता र विषेश अदालतले सरकारी जमिन किर्ते गरेको भन्दै दोषी समेत ठहर्याएका रेवतराज पुरी गगनको घरमा पनि आगो लगाइदिए । निकै शानदार पुरीको भवनमा प्रदर्शनकारीहरुले आगजानी गरिदिए ।
यसपछि दमक ५ स्थित केपि शर्मा ओलीका घर र भौतीक पूर्वाधार मन्त्री देवेन्द्र दाहालको घरमा पनि आगलागी गरियो । यसलगत्तै टोली दमक ३ स्थित भ्यू टावरमा पुगेर आगलागी गर्यो । भव्य बनेको व्यापारीक कम्लेक्सको भीत्र र बाहिर पट्टिनै आगजानी गरिदिए ।
यसपछि इलाका प्रहरी कार्यालय दमकमा हजारौ प्रदर्शनकारी पुगे । बाक्लो संख्यामा रहेका प्रदर्शनकारीहरुको उपस्थिती रहेका थीए । त्यो देखेर प्रहरी कार्यालयमै रहेका सबै प्रहरीहरु हतोत्साहि भए । हात उठाउदै आत्मसमर्पाण गरेर बाहिर निक्सदै गरेका प्रहरीहरुलाई प्रदर्शनकारीहरुले एक्कासी झम्टीए । क्षणभरमै रक्तपात बन्यो । प्रहरीहरुमाथी प्रदर्शनकारीले भाला रोपे । भकर्नु भकुरे ।
यसपछि दमक स्थित ट्राफिक प्रहरी कार्यालयको भवनमा पनि तोडफोड गरे र आगजानी गरे । कार्यालयमा रहेका सबै कागजात नष्ट भए ।
जेन जी समुहले गरेको यो प्रदर्शन र आन्दोलनले ल्याउन खोजेको परिर्वतन भ्रष्टचारको अन्त्य हो । समानताको विकास हो । तर यी काम वार्ता र संवादबाट पनि संभव थीए । अझै पनि सम्भव छ । अव संयम हुनै पर्छ । धेरै संरचना भत्की सके । सरकार ढलिसक्यो । सेनाले वार्ताकालागी आह्वान गरिसक्यो । त्यसैले अव नभत्काउ । अव निर्माणमा लागौ । जसरी भत्काउन जुटेका थीयौ । अव यसको पूःन निर्माणमा कसरी जुट्ने त्यो सोचौ र गर्न थालौ ।
