मोरङ, १ असोज। मोरङको उर्लाबारी ३ को वगाले थापा ईटा टायल उद्योगको स्थापना भएको ५०औं बर्षं चल्दै गरेको अवसरमा स्वर्ण जयन्ती मनाएको छ ।
२०३२ साल फाल्गुण देखि सुरु गरिएको उद्योग विभिन्न आरोह अवरोह खेप्दै निरन्तर ५०औं बषन्त सम्म निरन्तर चल्न सफल भएको अवसरमा स्वर्ण जयन्ती मनाएको जनाएको हो ।
पश्चिम झापा र मोरङका अधिकाश क्षेत्रमा आफ्नो उत्पादन विस्तार गर्न सफल भएको यस उद्योगले विद्यालय, प्रहरी चौकी, ईलाका प्रहरी कार्यालय, सार्बजनिक भवन, अपाङ्गता मैत्रीभवन, संघ संस्थाहरुलाई जिन्सी र नगद सहयोग गरी सामाजीक उत्तरदायीत्व समेत बहन गरिरहेको यसका प्रोप्राईटर तेजबहादुर थापाले जानकारी दिनुभयो ।
मोरङ्गकै पहिलो स्थापना भएको यस उद्योगले सुख्खा सिजन भरि करिब ३ सय जनालाई प्रत्यक्ष र ५० जनालाई बार्हैमास रोजगारी प्रदान गर्दै आएको छ ।
समयको माग र आवश्यकतालाई मद्यजनगर गर्दै उद्योगले उत्पादन बृद्धि गरेसगै कर्मचारीहरु पनि बढाउँदै जाने र रोजगारका अवसरमा बृद्धि गर्ने उहाँले जनाउनु भयो । उद्योगका व्यवस्थापक मोतिवुल रहमानको को भनाई छ ।
प्ूार्व–पश्चिम राजमार्ग बाट करिब २ किलोमिटर र बस्ती बाट करिब आधा किलोमिटर दूरीमा रहेको यस उद्योगले कामदारकालागि विजुली बाल्न तथा सिंचाईका लागि मटर चलाउनकालागि विद्युत जोड्न ठूलो संघर्ष गर्नु परेको थियो । बक्रा खोलाको किनारमा स्थापित यस उद्योगले बर्षेनी बाढिको सामना गर्नु परेको पनि प्रोप्राईटर थापाको दुखेसो छ ।
स्वर्ण जयन्त्तीको अवसरमा बुधबार कर्मचारी, सवारी चालक, स्टाफ लगायत सहभागिहरुलाई उद्योगको परिचय लोगो भएको टि सर्ट, नगद र बस्त्रले सम्मान गरिएको थियो ।
