दमक, ३ कार्तिक। गणेश प्रसाद सुवेदी । उहाँ जन्मदै व्यापारीको छोरा भएर जन्मनु भयो । आफुपनि व्यापारमै लाग्नु भयो । र आफ्ना सन्तानलाई पनि व्यापारी नै बनाउनु भयो ।
सफलता र सन्तुष्टी व्यापारमै पाइन्छ । त्यसकारण व्यापारमै लागेको उहाँले प्रतिकृया दिनुभयो ।
खास गरी पूर्वि पहाडी जिल्लाहरुमा तराईको उत्पादन पुर्याउने र पहाडको उत्पादनलाई तराई सम्म ल्याउने सेतुको रुपमा पनि यो सुवेदी परिवारले काम गरिरहेको छ ।
दमक १ हवल्दार चोकमा गणेश किराना र छेवैमा सुवेदी लिकर्स नामको व्यवसायीक फर्म खोलेर यहाँबाट कारोबार अघी बढिरहेको छ । सुरुमा पाँचथरको रविबाट व्यापार थाल्नु भएका गणेश सुवेदीले त्यो बेला लगानी जुटाउन र बढाउन चाहे अनुसार सक्नु भएको थिएन । साथी भाईको सहयोग र ग्राहकको माया र बिश्वासका कारण व्यवसायमा हामीनु भएको थियो । उतीबेला सामान ल्याउन, पुर्याउन निकै चुनौती भएको र अहिले ती सबै समस्याको अन्त्य हुदै गएको अनुभव उहाँले सुनाउनु भयो ।
उमेरको १०–१२ वर्ष देखी नै व्यापारमा होमीनु भएका गणेश सुवेदीको निष्कर्ष छ अव व्यापार नै जानियो । अन्त मन गएन । यसैलाई निरन्र्ता दिदा सफल भइन्छ भन्ने लाग्यो र गरिरहियो ।
उहाँ आफु मात्रै लाग्नु भएन । आफुसँगसगै आफ्ना छोराहरुलाई समेत व्यापारमै प्रोत्सहन गर्नु भयो । उहाँका छोराहरु बिरोध सुवेदी, बिपुल सुवेदी जन्मेदेखीनै व्यापारीका छोराको पहिचान बनाए । र व्यापारमै उहाँहरुको लगाम बस्यो र उहाँहरुले पनि अहिले समयको माग अनुसारको व्यापार गरिरहनु भएको छ । समय अनुसार परिमार्जन गर्ने प्रयासमा छोराहरु लाग्नु भएको छ । अहिले गणेश किराना पसलकै छेउमा सुवेदी लिकर्सको व्यवसाय छोराहरुको नेतृत्वमा छ ।
बिजनेशमै मास्टर डिग्री गरिसक्नु भएका बिरोधले अव यस सम्बन्धीको जागीर गर्ने वा नयाँ ढंगको व्यापार गर्ने भन्ने कुरामा केहि समय सोचनीय बन्नु भएको थियो । तर पुर्खा देखीनै व्यापारीको छोरा बनेर स्थापीत पहिचानलाई अझ उचाईमा पुर्याउन उहाँपनि व्यवासयमै लाग्ने निचोडमा पुग्नु भयो । अहिले गणेश किराना र सुवेदी लिकर्स भव्य रुपमा सञ्चालन भइरहेको छ । होलसेल मुल्यमा अहिले तराईका उत्पादन यी व्यवसायीक फर्म मार्फत पहाड पुगीरहेका छन । बिरोधलाई व्यवसायमा स्थापीत हुन वा अघी बढ्न बुबाको जस्तो चुनौती सामना गर्नु परेन । किनकी उहाँका बुबाले व्यवसायमा नयाँ छलाङ मारीसक्नु भएको थियो । उहाँलाई त्यहि छलाङमा सुरक्षीत तरिकाले तैरीए मात्रै पनि पुगेको थियो ।
तर अहिले सम्मको व्यवसायमा उहाँहरुले आफ्नो उत्पादन बेच्नु भएको छैन । अन्य उत्पादकको उत्पादन उपभोक्ता सम्म पुर्याउने काम मात्रै गर्नु भएको छ । तर बिरोधले आफ्नै उत्पादन गर्ने र त्यसलाई नयाँ पहिचान बनाएर नयाँ उचाईमा पुर्याउने योजना बनाउनु भएको छ । उहाँले भन्नु भयो अव हामी आफ्नै केहि नयाँ बस्तुको उत्पादन गर्ने छौ । त्यसलाई देशभित्र मात्रै नभएर विदेश सम्म पनि निर्यात गर्ने छौ ।
यसरी हिजो पाँथरको रविमा सानो खाद्यन्न पसलबाट सुरु भएको व्यवसाय आज छोराको पुस्ता सम्म आइपुग्दा आफ्नै ब्राण्ड खोज्ने भइसकेको छ । पक्कै पनि यो सुवेदीको परिवारले गर्ने उत्पादनको व्यापार फस्टाएर देश विदेशमा आफ्नै पहिचान बनाउन सकोस हाम्रो तर्फबाट पनि हार्दिक सुभकामना व्यक्त गर्दछौ ।
