दमक, ८ कात्तिक। तिहारमा देउसी खेल्न गएकी झापा दमककी एक बालिका बेपत्ता भएकी प्रहरीले जनाएको छ् ।
असोज ६ गते साँझ ६ः३० बजे दमक ४ तारावारी बस्ने केशव परियारकी छोरी बर्ष १४ की करुना परियार देउसी खेल्न जान्छु भनी घरबाट हिडेकी थिइन् । उनी हालसम्म पनि सम्पर्कमा नआएको परिवारले बताएको छ । आफ्ना आफन्त, साथीहरु समेतमा खोजतलास गर्दा फेला नपरेपछि उनकी आमा कल्पना परियारले शुक्रबार इलाका प्रहरी कार्यालय दमकमा हुलियासहितको निवेदन दिएको प्रहरीले जनाएको छ। इलका प्रहरी र्कायलय दमकबाट टोली खटिएर खोजतलास भइरहेको प्रहरीले बताएको छ ।
त्यस्तै झापा गाउँपालिका वडा न.७ मदरगाछ बस्ने अर्की किशोरी पनि बेपत्ता भएको प्रहरीले जनाएको छ। तिहारका बेला असोज ५ गते बिहान ११ बजे झापा गाउँपालिका वडा न.७ मदरगाछ बस्ने श्याम चक्रवर्तीकी छोरी बर्ष १७ की पुजा चक्रवर्ती घरबाट कोही कसैलाई नसोधी आफूखुशी हिडेकी थिइन् । उनी हालसम्म पनि घर नफर्कीए पछि आफन्त, छरछिमेक, नातागोता,साथीभाइसंग सोधपुछ गर्दा फेला परेकी छैनन् । बुवा श्याम चक्रवर्तीले शुक्रबार प्रहरी चौकी शरणामतिमा छोरी हराएको हुलियासहितको निवेदन दिएको प्रहरीले जनाएको छ।
