केराबारी, १३ कार्तिक । पायल्स फ्रि नेपालको उद्धेश्य लिएर देशभरका विभिन्न ठाउँहरुमा विभिन्न संघसंस्थाहरुसँग समन्वयन गरी निशुल्क स्वास्थ्य शिविर सञ्चालन गरि रहेको छ मोरङको उर्लाबारीमा मुख्य कार्यालय रहेको एञ्जल फाउण्डेशनले । यही क्रममा बुधबार मोरङको केराबारीमा पनि एकदिने स्वास्थ्य शिभिर सम्पन्न गर्यो । ।केराबारीमा गरिएको यो शिविरमा चेकजाँच मात्र होईन, सोही स्थानमै उपचार र औषधी पनि उपलब्ध गराईएको थियो ।
केराबारीमा रहेको नारी विकाश संघ, उर्लाबारीमा रहेको फरिस्ता क्लीनिक र उर्लावारीमै मुख्य कार्यालय रहेको एन्जल फाउन्डेशनको संयुक्त आयोजनामा एकदिने शिविर सम्पन्न भयो । शिविरमा अनुभवी चिकित्सकहरुको टोलीले सहभागीहरुलाई निशुल्क स्वास्थ्य परिक्षण, परामर्श र आवश्यक प्रयोगशाला जाँचहरुको समेत सेवा प्रदान गरिएको थियो । यस्ता रोगहरुको उपचार गर्न केराबारीका स्थानीयहरुलाई धेरै टाढा टाढा धाउनुपर्ने र निकै महङ्गो शुल्क तिरेर उपचार गर्नुपर्ने वाध्यता थियो । कतिपयले त आफ्नो रोगको बारेमा थाहा हुदाँ हुदैँ पनि रोग लुकाएर बसेका थिए । तर, शिविरमा उपस्थित अनुभवी चिकित्सकहरुको परामर्शका कारण उनीहरुले आफ्नो गोप्य रोगको उपचार गराउनुपर्छ भन्ने कुरा पनि बुझेका छन् । सोही शिविरमा उपचार गराउन उपस्थित हुनुभएका केरावारी गाउँपालिका वडा नं ७ का स्थानीय विजेन्द्र लिम्बु ।
केराबारी कै स्थानीय व्रतमाया राई टाढा टाढा धाएर उपचार गर्न जाँदा धेरै खर्च लाग्ने र अपरेशन गर्नुपर्छ भन्ने डरले नै अहिले सम्म अस्पताल नगएको बताउनु भयो । तर, शिविरमा एकैदिनमा उपचार प्रक्रिया सुरु गरी विना अप्रेशन औषधीले नै आफ्नो रोग निको पारिदिने कुराले उहाँले उहाँलाई सहता प्रदान गर्यो । यो उपचार बिधिबाट दुखाई पनि खासै नभएको उहाँको प्रतिक्रिया छ ।
विना अप्रेशन , विना दुखाई र छिटो निको हुने गरिको उपचार प्रदान गर्ने यो उपचार पद्धती आफूलाई एकदमै मनपरेको र त्यही कारण आफूले पनि उपचार गराएको बताउनुहुन्छ अर्का सेवाग्राही हरी दाहाल ।
गाउँघरमा लुकी छिपी बसेका गोप्य रागहरुको उपचारमा सहज वातावरण सिर्जना होस् भन्ने उद्धेश्यले एन्जल फाउन्डेशनको समन्वयमा यो शिविरको आयोजना गरेको बताउनुहुन्छ आयोजक संस्था नारी विकास सहकारी वचतकी अध्यक्ष सावित्रा चापागाईँ ।
एन्जल फाउन्डेशनले सुरुमा सचेतना कार्यक्रम र गोप्यरोगहरुको बारेमा अन्तरक्रिया कार्यक्रम संञ्चालन गरेको थियो । सो कार्यक्रममा करिब ३०० जनाको उपस्थिती रहेको थियो ।कार्यक्रममा परामर्श र अन्तरक्तिया मात्र नभई प्राथमिक उपचारका विधिहरु पनि सिकाईएको थियो । अन्तरक्रिया कार्यक्रमका बेला उपस्थित विरामीहरुले थप परामर्श र उपचारमा चासो देखाएको र शिविर सञ्चालनको लागी अनुरोध गरेकै कारण केराबारीमा यसखालको शिविरको आयोजना गराईएको बताउनुहुन्छ एन्जल फाउन्डेशनका व्यवस्थापक सन्तोष कार्की ।
एन्जल फाउन्डेनले आफ्नो उद्धेश्यलाई सफल पार्न आफ्नो कार्यक्षेत्र विस्तार गर्दै ३ वटा प्रदेश कोशी, बागमती र मदेश प्रदेशमा ४गरि ओटा कार्यलय स्थापना गरिसकेको छ । यही आर्थिक वर्षभित्रमा देशका ७ वटै प्रदेशमा आफ्नो कार्यक्षेत्र विस्तार गरी करिब २०० जनालाई रोजगार दिने लक्ष्यमा समेत रहेको बताइएको छ ।
