काठमाडौं,१५ कार्तिक। नेकपा एकीकृत समाजवादीका सम्मानित नेता झलनाथ खनाल र महासचिव घनश्याम भुसाल लगायतका नेताले छुट्टै भेला गर्ने हुनु भएको छ । पार्टी अध्यक्ष माधव नेपाल लगायतका नेताहरु माओवादी केन्द्रसँगको एकताका लागि अघि बढेपछि झलनाथ खनाल पक्ष आज शनिबार दिउँसो १ बजे छुट्टै बैठक गर्ने हुनु भएको हो।
सम्मानित नेता खनालका अनुसार कुनै पनि हालतमा उहाँहरू माओवादीसँगको एकताको पक्षमा हुनुन्न। ‘बोल्न नदिकन नै एकल निर्णय गरिएको छ। मैले ३० बुँदा लामो फरक मत प्रस्तुत गर्न खोजेको थिएँ त्यो पनि पाइन,’ खनालले भन्नु भयो । हामी यही पार्टी अगाडि बढाएर जान पनि सक्छौं र नयाँ पार्टी बनाउन पनि सक्छौँ। तर माओवादीसँग मिल्ने कुरा अहिले ठिक छैन।’
