झापा, १५ कात्तिक । झापाको मेचीनगरमा बस दुर्घटना हुँदा पाँचजना घाइते भएको प्रहरीले जनाएको छ।
आज शनिबार विहान ९ बजे मेचीनगर –१० धाइजन स्थित पूर्वपश्चिम राजमार्गमा काँकरभिट्टाबाट जनकपुरतर्फ जाँदै गरेको मे–१–ख २००२ नम्बरको मातृ भाग्य रेखा बस अनियन्त्रित भई ढुकुरे खोलाको कल्भर्टमा ठोक्किएर दुर्घटना भएको हो। बसमा सवार २० –२५ जना यात्रुमध्ये ५ जना घाइते भएको प्रहरीले जनाएको छ् ।
घाइते हुनेहरुमा भारत हिमालपुर बस्ने वर्ष ७७ की राम माया लामा, राजविराज बस्ने वर्ष ७२ का राम प्रसाद पण्डित, भारत सिलिगुडी बस्ने वर्ष ६५ की प्रमिला यादव, बसका सहचालक सूर्य नारायण यादव र ५ सप्तरी बस्ने वर्ष २३ का शेखर मण्डल आदि घाइतेको शरिरको विभिन्न भागमा चोट लागेको छ । घाइतेहरुलाई उपचारका लागि बीएण्डसी अस्पताल लगिएको प्रहरीले बताएको छ ।
