दमक, २६ कार्तिक । २० औ शताब्दीका समाज सुधारक किरात धर्मका महागुरु एबं २५ राष्ट्रिय बिभुती फाल्गुनन्द लिङदेनको जन्मजयन्तीका अबसरमा मङगलबार देशैभर बिभिन्न कार्यक्रम गरि मनाईएको छ । किरात, भाषा, लिपि, संस्कार, संस्कृति एवं समाज सुधारमा उहाँको महत्त्वपूर्ण योगदान रहेको भन्दै प्रत्येक बर्ष उहाँको सम्झनामा किरात समुदायको बाहुल्यता रहेको पूबी जिल्लाहरु ताप्लेजुङ, तेह्रथुम, पाँचथर, इलाम, झापालगायत किरात समुदायको बसोबास भएका जिल्लामा फाल्गुनन्द जयन्ती मनाउने गरिन्छ । यसैक्रममा झापाको कमलमा पनि बिशेष कार्यक्रमको आयोजना गरि मनाईएको छ । जयन्तीका अवसरमा किरात धर्मगुरु आत्मा लिङ्गदेन र श्रीमती पवितत्रा हाङ्गमा साँवा लिङदेनकोे बिशेष आतिथ्यता रहेको थियो । बर्तमान किरातधर्मगुरु र धर्मगुरुआमाको स्वागतमा सयौको उपशिथति रहेको थियो ।
समाज सुधारका लागि फाल्गुनन्दले नीति निर्माणसमेत गर्नुभएको थियो । यसलाई सत्य धर्म मुचुल्का भनिन्छ । यो १९८८ साल वैशाख २४ गते जारी गरिएको थियो । किरात समाज सुधारका लागि नीतिसमेत निर्माण गरी योगदान गर्नुभएका फाल्गुनन्दको विसं २००५ मा निधन भएको हो । किरात समाज सुधारमा उहाँले र्पुयाउनुभएको योगदानको कदर गर्दै उहाँलाई २०६६ मङ्सिर १६ गते सरकारले राष्ट्रिय विभूति घोषणा गरेको थियो ।
कमल गाउँपालिका ३ स्थित केर्खामा निर्माण भएकोे किरात तियेङलुङ चोलुङ माङहिमको प्राङगणमा धर्मगुरुको आतिथ्यतामा भएको कार्यक्रममा उपश्थित भएका अनुयायीहरुलाई महागुरु लिङदेनको मार्गमा हिड्नुपर्ने धारणा राखेका छन् । उनीहरुले महागुरुले २० औ शताब्दीमा गरेको योगदानले आज समुदाय निकै अघि बढिसकेको बताएका छन् ।
मोरङको,मिक्लाजुङबाट आउनुभएका किरात धर्म अनुयायी राज लिम्बुले महागुरुको एउटै उपदेश बिश्वशान्तिको मन्त्रलाई आत्मसात गरेर त्यो बेलाको जर्जर रहेको समााजलाई सुधारका निम्तिी गरेको योगदानलाई सम्झना गरिने बताउनुभयो ।
किरात धर्मावलम्बीका महागुरु फाल्गुनन्दको १४१ औँ जन्मजयन्ती मंगलबार विविध कार्यक्रम आयोजना गरी मनाइएको थियो ।विसं १९४२ कात्तिक २५ गते इलाममा सामान्य परिवारमा फाल्गुनन्दको जन्म भएको थियो ।
