दमक,१० मंसिर । दमकमा एक छिन गएर घुम्ने ठाउँको अभाव छ । आफन्त , साथीभई केहि बेर रमालो गरौ र आनन्द लिउँ न भन्दा जाने कि त दमक फन पार्क कित कहाँ ? भन्ने प्रश्न जीवीतै छ । तर यही जीवत प्रश्नको जवाफ दिन जन्मेको छ दमक १०को इन्द्रेणी ताल । जहाँ अव आन्तरीक पर्यटनकालागी नगरकै प्रमुख गन्तव्य बन्ने भएको छ । खासमा यहाँ केके छ त ?
कुनै फराकीलो ताल वा समुन्द्रमा चढेको डुङ्गा जस्तै । जेटजस्तै बोटीङ । पानीको चलायमान । डुङ्गाको गति । अनी वरिपरीका प्राकृतीतक दृष्य । हरियाली वातावरण । लकीङ टाली लगाएर पोखरीको डील भरी फूलबारी र नर्सरी समेत । दमक १० मा रहेको इन्द्रेणी तालमा पुग्दा प्राप्त गरिने यो प्राकृतीक आनन्द हो । यहाँ बनावटी भन्दा पनि बढि प्राकृतिक कुरा बढि पाइन्छन् । यहाँ कहिलै नसुक्ने पानी यसको प्रमुख विषेशता हो । जसले गर्दा यो पोखरी सफा मात्रै गरे पुग्छ । यसलाई अहिले पर्यटकीय क्षेत्रको रुपमा विकास गर्न थालीएको छ । वर्षौ देखिको प्रयास अहिले आएर पुरा भएको हो । यसमा यस क्षेत्रका यूवाहरुको सकृयता र लगनशीलताले पछिल्लो पटक परिणाम दिन सकेको हो ।
झापाका अन्य यसखालका सिमसारमा इलेक्ट्रोनीक बोटीङ कमै मात्रामा छ । दमकमा पहिलो पटक यसखालको बोटीङ आएको र खेल्न पाएकोमा खुसी व्यक्त गर्दै दमक २ का सुवास धिताल भन्नु हुन्छ ‘ घुम्न रमाईलो छ तर अहिले अहिले यहाँको आन्तरीक व्यवस्थापन चाहि चीत्त बुझ्दो भएन ।
तालको वरीपरि अझ आकर्षक फूलवारी । बस्ने फलैँचाको पर्याप्तता छैन । एउटा मात्रै इलोक्ट्रोनीक बोट भएकोले पालो पर्खनेहरुलाई अल्छी लाग्छ । पर्खाइको समयमा के गरेर समय विताउने त्यो ठाउँ र संरचनाको अभाव रहेको बताउनु हुन्छ यही ठाउँमा घुम्न आउनु भएका इस्वर मास्के ।
यद्यपी दमकमा एउटा घुम्न जाने आकर्षक स्थल बनेको छ । अव परिवार र इष्टमीत्र एक छिन भएपनि बाहिर जाउँ न भन्नकालागी नयाँ गन्तव्य बनेको छ । इलेक्ट्रोनीकको बोटीङको आनन्द दमककै इन्द्रेणी तालमा पाइने भइयो । यही रमाइलो गर्न आफु यहाँ आएको दमक २ का ज्ञानेन्द्र सापकोटाको प्रतिकृया छ ।
सरकारी लगानीमा संरक्षण भएको यो इन्द्रेणी तालमा अहिले बोटीङ सञ्चालनका लागी स्थानीय रोहित राईलाई ठेक्का दिइएको छ । अहिले यसको सौन्दर्यकरणमा समेत उहाँले लगानी बढाइरहनु भएको छ । अव सरकारी व्यवस्थापनबाट निजी स्तरबाट सञ्चालनमा आउने इन्द्रेणी ताल अझ आकर्षक र व्यस्थित हुनेमा पर्यटकहरुले अपेक्षा राखेका छन् ।
