दमक, १३ मंसिर । नेकपा एमालेको आसन्न महाधिवेशनलाई लिएर आज देशभर प्रतिनिधि चयन गरिदैछ । यसै क्रममा पार्टी अध्यक्ष केपी शर्मा ओलीको जिल्ला झापामा पनि चुनाव मार्फत प्रतिनिधि छानीरहिएको छ। प्रतिनिधिका उम्मेदवार र पार्टिका सदस्य जो मतदाता बनेर प्रतिनिधि छनौट हुदैछन उनीहरु के भन्छन?
झापा नेकपामा एमालेका अध्यक्ष केपी शर्मा ओलीको गृह जिल्ला हो । पार्टिको सर्कुलर सकेसम्म सर्बसम्मत नेतृत्व चयन गर्न भन्ने थियो । विभिन्न जिल्लामा सर्बसम्मत प्रतिनिधि छनौट भएपनि झापामा भने यसो हुन सकेन । जसले गर्दा शनिबार महाधिवेशन प्रतिनिधि छान्न पार्टिका सदस्यहरु बिहानैदेखी पार्टिले बनाएको निर्वाचन आयोगले तोकेको मतदान केन्द्रमा पुगेर मतदान गरिरहेका थिए । उनिहरु झापाबाट छानिएर गएका प्रतिनिधिबार देश जोगाउन सक्ने , अन्तरास्ट्रिय जगतमा नेपाललाइ नेतृत्वमा उभ्याउन सक्ने गरि पार्टिको नेतृत्व चुन्न सक्ने प्रतिनिधि छान्ने भन्दै प्रतिक्रिया दिएका थिए ।
जम्मा ३८ जना महाधिवेशन प्रतिनिधिका लागि झन्डै चार गुणा अर्थात १४८ जनाले उम्मेद्वारी दिएका छन । यसरी योग्यता पुगेकाहरुबट महाधिवेशनमा जाने इच्छा जाहेर गरेपछि यो पटक जिल्लाका नेतृत्वहरुले कसैलाई पनि सम्झाउने र बुझाउने प्रयास प्रभावकारी गरेनन । सबैलाई निर्वाचन मार्फत चुनिन उर्दी जारी गरियो । यहाबाट प्रतिनिधि छनौट भएर गएपछि अहिलेको परिस्थितिलाई सहि ट्र्याकमा ल्याउन केपी ओली बाहेक अन्यको नेतृत्व स्विकार नहुने आसय व्यक्त गरेका छन ।
झापामा खुल्लातर्फ ८३ , महिलातर्फ ३० , युवातर्फ २८ र दलिततर्फ ७ जना उम्मेद्वार बनेका हुन् । निर्वाचन क्षेत्रगत रुपमा हेर्दा क्षेत्र नं १ मा ६ जनाको लागि १३ , क्षेत्र नं २ मा ९ जनाका लागि ४८ , क्षेत्र नं ३ मा ६ जनाको लागि २५ , क्षेत्र नं ४ मा ७ जनाको लागि १६ , क्षेत्र नं ५ मा ८ जनाको लागि ३९ र दलित क्लस्टरमा २ जना महाधिवेशन प्रतिनिधिका लागि ७ जनाको उम्मेद्वारी परेको हो । यो मद्येपनी झापा क्षेत्र नंबर ५ केपी ओलीको निर्वाचन क्षेत्र समेत भएकोले यसलाई अझ सबै नेतृत्वले चाखपुर्ण हेरेका छन । यहाको निर्वाचनलाई सबै प्रक्रिया पुर्याई शान्तपुर्ण ढंगबाट निर्वाचन गराईरहिएको क्षेत्र नम्बर ५ का निर्वाचन संयोजक नारायण भट्टराईले जानकारी दिनुभयो ।
एमालेका संगठित सदस्य ६ लाख ६७ हजार ६३० बाट प्रतिनिधि चुनिदै छन् । झण्डै २२ सय प्रतिनिधि रहने महाधिवेशनका लागि यसपटक प्रत्येक संघीय निर्वाचन क्षेत्रबाट कम्तीमा एक जना युवा प्रतिनिधिको कोटा सुरक्षित गरिएको छ ।
