दमक १७ मंसिर । दमक ५मा रहेको लाईफलाईन स्वास्थ्य विज्ञान प्रतिष्ठानले बुधबार आफ्ना कलेजमा अध्ययनरत नयाँ भर्ना भएका विद्यार्थीहरुलाई स्वागत र अध्ययन पूरा गरिसकेका विद्यार्थीहरुलाई विदाई गर्न एक विशेष कार्यक्रमको आयोजना गरेको छ ।
स्टुडेन्ट्स वेलफेयर कमिटीको आयोजनामा सम्पन्न उक्त कार्यक्रम दमक १ स्थित मातृभुमी अथिती गृहमा सम्पन्न भएको हो । कार्यक्रममा विद्यार्थीहरुद्धारा विभिन्न सांस्कृतीक नृत्य र मनोरन्जनात्मक प्रस्तुती गरिएको थियो भने र वरिष्ठ प्रशिक्षक र प्रतिनिधीहरुद्धारा स्वागत मन्तव्य पनि प्रस्तुत गरिएको थियो ।
लाईफलाईन स्वास्थ्य विज्ञान प्रतिष्ठान पूर्वी नेपालको विश्वसनीय र गुणस्तरीय स्वास्थ्य शिक्षण संस्थामध्ये एक हो । सिटिभिटीबाट मान्यता प्राप्त यस कलेजले निरन्तर स्वास्थ्य क्षेत्रमा आवश्यक दक्ष जनशक्तिहरु उत्पादन गरिरहेको छ । विद्यार्थी मैत्री वातावरण, सुरक्षित कलेज र व्यावारिक केन्द्रित सिकाई हुने यस कलेजमा हाल स्टाफ नर्स , रेडियोग्राफी,अपथाल्मिक साईन्स, जेनरल मेडिसिन एचए फार्मेसी,ल्याब टेक्निसयन लगायतका कार्यक्रमहरु सञ्चालन भईरहेको छ ।
३ वर्षे मेडिकल कोर्ष जेनेरल मेडिसिन अध्ययन सकेर बिदा हुदैँ गर्नुभएकी विद्यार्थी सोएक्षा लिम्बु लाईफलाईनले आफूलाई धेरै कुरा सिकेको अनुभब सुनाउनुहुन्छ । साथै कसैलाई मेडिकल फिल्डमा आफ्नो भविष्य बनाउनु छ भने लाईफलाईन नै रोज्न सल्लाह पनि उहाँको छ ।
त्यस्तै, ओपथाल्मीक साईन्स अध्ययन गर्न नयाँ भर्ना भएर आउनुभएका विद्यार्थी राज मैनाली लाईफलाईन कलेज नभई एउटा परिवार जस्तै लागेको बताउँदै यहाँको पढाउने शैली र वातावरणले गर्दा नै लाईफलाईनलाई आफूले रोजेको बताउनुहुन्छ ।
लाईफलाईन स्वास्थ्य विज्ञान प्रतिष्ठानबाट अध्ययन पूरा गरिसकेपछि आफूले यस क्षेत्रमा आफ्नो भविष्य सुनिश्चीत गर्न सक्ने विश्वास राख्नुहुन्छ जिएनएम पहिलो वर्षमा अध्ययनरत सुकराज राई ।
कलेजकी फार्मेसी तथा ओपथाल्मीक साईन्सकी संयोजक गिता सिग्देल यति धेरै कलेजहरुको बिचमा लाईफलाईनलाई रोजेर यहाँ अध्ययन गर्न आउने सम्पूर्ण विद्यार्थीलाई धन्यवाद दिदैँ अध्ययन गर्न आउने विद्यार्थीलाई आफूहरुलाई रोजेकोमा पछुतो हुन नदिने प्रतिवद्धता व्यक्त गर्नुहुन्छ ।
लाईफलाईन स्वास्थ्य विज्ञान प्रतिष्ठानलाई रोजेर अध्ययन गर्न आउने विद्यार्थीको उज्जल भविष्य बनाउने प्रतिवद्धता प्रतिष्ठानले लिएको छ ।
