दमक,१० पुस । राष्ट्रयिता, संविधान र लोकतन्त्र जोगाउनुपर्ने भन्दै नेकपा एमालेले झापाको दमकमा खबरदारी कार्यक्रम सञ्चालन गरेको छ । जिल्ला कमिटीको आयोजनामा भएको खबरदारी कार्यक्रममा लोकतन्त्र र संविधानका रक्षाका लागी संसद पुनस्थापना गरौँ, प्रतिगमनकारी हर्कत र षडयन्त्रको विरोध गरौँ र संविधानको रक्षा गरौँ, आगजानी लुटपात, तोडफोडको निन्दा गरौँ ,सामाजीक सदभाव र धार्मिक एंव जातीय सदभाव कायम गरौँ जस्ता नाराहरु लागाईएको थियो ।
खबरदारी कार्यक्रममा पार्टीका कार्यकर्ता एंव नेताहरुले आफूहरूले देखेका राजनीतीक विचलन, शासनप्रणालीमा देखिएको संकट र जनताको अधिकार कमजोर पार्ने कुनै पनि प्रयासविरुद्ध सचेत रहन आग्रह गरेका छन् । संविधानलाई कमजोर पार्न खोज्ने गतिविधीबाट देशलाई जोगाउनु नै एमाले यसखाले कार्यक्रमको आयोजना गरिएको उल्लेख गरिएको छ ।
कार्यक्रममा उपस्थित देवेन्द्र दाहालले अहिलेको तत्कालीन प्रधानमन्त्री र सरकार संविधान विरु४ बनेको सरकार रहेको बताउदैँ प्रधानमन्त्री एंव पूर्वप्रधानन्याधीश समेत रहनुभएकी सुसिला कार्की आफैले पहिला पूर्वप्रधानन्याधीश कुनै पनि राजनितीक गतिविधीमा सामेल हुन नपाउने भन्दै उल्लेख गरेको र संविधानमा पनि त्यही उल्लेख गरिएको बताउनुहुन्छ । उहाँ भन्नुहुन्छ, अहिलेको सरकार फेद न टुप्पोको सरकार हो । यो सरकारको केही हैसियत छैन ।
पार्टीभित्र संगठन सुदृढ गर्दै नागरिकबीच सचेतना फैलाउने अभियानलाई निरन्तर अघि बढाइने बताउदै एमालेले यस्ता कार्यक्रममार्फत राष्ट्रिय एकता, लोकतान्त्रकि मूल्य र जनउत्तरदायी शासनप्रतीको पतिबद्धता पुनः दोहोर्याएको दाबी गरेको छ ।
