शिविरमा महिलासम्बन्धी विभिन्न रोगको परीक्षण, परामर्श तथा प्रारम्भिक उपचार निःशुल्क रूपमा प्रदान गरिएको थियो। विशेषगरी पाठेघरको मुखको क्यान्सरको प्रारम्भिक पहिचानका लागि गरिने भीआईए परीक्षणमा महिलाहरूको उल्लेख्य सहभागिता रहेका थियो ।
दमक नगरपालिका ६ नं वडा कार्यालय, आधारभूत स्वास्थ्य केन्द्रको आयोजनामा सम्पन्न भएको शिविरमा नेपाल औषधि व्यवसायी संघ झापा जिल्ला शाखाको सहयोग र आम्दा अस्पताल दमकको प्राविधिक सहयोग रहेको थियो।
बाहिर यस खाले परिक्षण गराउनु परे कम्तीमा दस हजार सम्म लाग्ने थियो तर, यसरी वडा ले नै निशुल्क परिक्षण शिभिरको आयोजना गरिदिँदा आर्थिक रुपमा कम्जोर रहेका महिलाहरुलेपनि स्वास्थ्य जाँच गर्न पाएको र आफूले पनि यो शिभिरको सबै लाभ लिन पाउन् भनी आफ्नो टोल र छरछिमेकमा रहेका सबै महिलाहरुलाई जानकार गराएको बताउनुहुन्छ शिविरमा सहभागी महिला साथै नगरज्योती टोल विकासको अध्यक्ष समेत रहनुभएकी लक्ष्मी देवी काफ्ले ।
यस्ता शिविरले महिलामा स्वास्थ्यप्रति चेतना बढाउनुका साथै समयमै परीक्षण र उपचारमा पहुँच सहज बनाएको जनाइएको छ।
