दमक,१८ पुस । कोशीमा सिटी रिक्साको लाइसेन्स लिन लिखित परीक्षा दिनु नपर्ने भएसगैँ सटी सवारी चालकले नियमावलीमा लिखित परीक्षाको साटो ट्राफिक नियम प्रशिक्षण लिनुपर्ने र सार्वजनिक सवारी साधनहरुले पञ्जीकृत हुनु नपर्ने लगायतका व्यवस्था पनि समेटिएको थियो । सोही प्रशिक्षण अनुरुप झापाको दमकमा शुक्रबार यातायात संघ र दमक ट्राफिक प्रहरीको संयुक्त टोलीद्धारा चालकहरुलाई प्रशिक्षण साथै सचेतना कार्यक्रम सम्पन्न गरिएको छ ।
अधिकांश सिटी सफारी चालक अशिक्षित छन् । यस्तोमा लिखित परिक्षा हुदाँ उनीहरुले लाईसेन्स निकाल्न सक्ने अवस्था थिएन । तर, अब विना लिखित ट्रायलकै आधारमा लाईसेन्स निस्कने भएपछि लाईसेन्स निकाल्न नपाएका चालकहरुमा खुसीयाली छाएको छ । दमक २ का सिटी सफारी चालक दिल बहादुर बिक ।
लाईसेन्समा हुने झन्झड त अब सकिएको छ तर, व्लु बुक नविकरण गर्न जाँदा भोग्नुपर्ने सास्ती भने हझै सक्किएको छैन । लाईसेन्स भएका चालकहरुले पनि ब्लु बुल नविकरण गर्न जाँदा ८ हजार १० हजार तिर्नुपर्ने बाध्यता भएकाले नै व्लु बुक नविकरण गर्न नचाहने बताउनुहुन्छ अर्का सिटी सफारी चालक मनकुमार धिमाल ।
कोशी प्रदेश सरकारले लाईसेन्स बनाउदाँ लिखित परिक्षा दिनुपर्ने झन्झटलाई हटाएर लाईसेन्स बनाउन एकदमै सजिलो बनाईदिएको छ । सोही कारण आफ्नो सुरक्षा, यात्रुको सुरक्षा र दुर्घटना न्युनीकरण गर्नका लागी यस खाले सचेतना कार्यक्रमको आयोजना गरेको बताउनुहुन्छ यातायात कार्यलय विर्तामोडका कार्यलय प्रमुख प्रेम प्रसाद सापकोटा ।
नियमावली संशोधनपछि गरिएको व्यवस्थाले सिटी रिक्साको लाइसेन्स प्रक्रिया, दर्ता प्रक्रिया र लाइसेन्स लिने प्रक्रियाहरुमा सुधार हुने प्रदेश सरकारले अपेक्षा गरेको छ ।
