दमक,२८ पुस । बिहानी क्रिकेट ग्रुप दमक, झापाको आयोजनामा सम्पन्न खुल्ला नकआउट टि–१० क्रिकेट टुर्नामेन्ट आइतबार एक औपचारिक कार्यक्रमबीच समापन गरिएको छ ।
पुस २५ गतेबाट सुरु भएको उक्त प्रतियोगिता पुस २७ गते समापन गरिएको हो। समापन कार्यक्रममा प्रतियोगिताका विजेता दमक इलेभेन र उपविजेता शिवसताक्षी नगरपालिकालाई ट्रोफी, मेडल तथा नगद पुरस्कार वितरण गरिएको थियो साथै सो प्रतियोगितामा साथ र सहयोग विभिन्न संस्था र व्यक्तिहरुलाई समेत मायाको चिनो वितरण गरिएको थियो ।
कार्यक्रममा आयोजक संस्थाका प्रतिनिधिहरू, स्थानीय खेलप्रेमी, खेलाडी तथा विभिन्न प्रायोजक संस्थाका प्रतिनिधिहरूको उपस्थिति रहेको थियो भने कार्यक्रमको प्रमुख अथिती व्यवसायी अजय अग्रवाल रहनुभएको थियो । यस्ता प्रतियोगिताले स्थानीय स्तरमा क्रिकेटको विकास, युवाको सहभागिता र खेल संस्कृतिको प्रवद्र्धनमा महत्वपूर्ण भूमिका खेल्ने विश्वास व्यक्त गरिएको छ ।
समापन कार्यक्रममा फाइनल खेलका ‘म्यान अफ द म्याच’ दमक इलेभेनका पप्पु मण्डल र प्रतियोगिताभर उत्कृष्ट प्रदर्शन गरेका ‘प्लेयर अफ द सिरिज’ शिवसताक्षी नगरपालिकाका अभिषेक लिम्बुलाई विशेष सम्मान गरिएको थियो।
आयोजक बिहानी क्रिकेट ग्रुप दमकले आगामी दिनमा अझ व्यवस्थित र ठूला स्तरका क्रिकेट प्रतियोगिता आयोजना गर्ने प्रतिबद्धता पनि व्यक्त गरेको छ ।
