दमक/
दमक २ मा रहेको हाम्रो बाल आश्रममा रहेका बालबालिकाले पनि यो वर्षको होली पर्व मनाएका छन । रङहरुको पर्वमा आश्रममा रहेका बालबालिकालाइ न्यास्रो नलागोस , हाम्रो पनि कोहि छ भन्ने अनुभुती गराउन लायन्स क्लब अफ दमक बिग बुद्द र लिओ क्लब अफ बिग बुद्धले सामुहिक होली मिलन कार्यक्रम सम्पन्न गर्यो ।
शुक्रबार क्लबका सदस्यहरुले केही मिठाईका प्याकेट , विभिन्न रङहरुका पोकाका साथै ह्यप्पी होली लेखिएको टि सर्ट बितरण गरेर क्लबले होली मनाए ।
अन्य बालबालिकाके पिच्करि मार्फत होली खेलेको देख्दा आश्रममा आश्रित बालबालिकाको मनमा दुख र खल्लो महसुस नहोस भनेर अन्य बालबालिकाले जसरी खुसिका साथ होली खेल्छन त्यसै गरि खेल्ने वातावरण बनाउन आश्रममा होली मिलन कार्यक्रम गरिएको लायन्स क्लब अफ दमक बिग बुद्धका अध्यक्ष कृष्णराज दाहालले जानकारी दिनु भयो ।
अन्य विभिन्न समुहले चोक तथा बजारमा मानिस भेला गराएर , चर्को आवाजमा खुल्लाम खुल्ला होली मनाए पनि समाजिक काम गर्दै होली मनाउदाको आनन्द बेग्लै हुने क्लबका रुबल अधिकारीले जानकारी दिनु भयो ।
