काठमाडौं | २१ वैशाख | प्राध्यापक तथा लेखक शक्तिराज नेपालद्वारा लिखित पुस्तक ‘चेतनकक्ष’ आजदेखि बजारमा उपलब्ध भएको छ।
कालिन्चोक पुस्तक प्रकाशनले प्रकाशित गरेको यस पुस्तकमा मानवीय चेतनाको गहिरो व्याख्या गरिएको छ।
पुस्तकले आत्मिक चेतना र संवेदनशीलता जगाउन प्रेरित गर्ने विषय समेटेको छ।
पछिल्लो समय मानिसमा चेतना कमजोर बन्दै गएको र मानव सभ्यता नै दिशाहीन तथा अशक्त बन्दै गएकोप्रति लेखकले चिन्ता व्यक्त गर्नुभएको छ।
लेखक नेपालका अनुसार पुस्तकको केही दिनपछि विशेष कार्यक्रम आयोजना गरी औपचारिक लोकार्पण गरिनेछ।
प्रकाशकले पुस्तक अहिले देशभरका पुस्तक पसलमा उपलब्ध रहेको जानकारी दिएको छ।
