दमक,जेठ २ ।नेपाल कम्युनिष्ट पार्टी (एमाले)वडा कमिटी दमक ८ले स्थापना गरेको विपद् तथा कार्यकर्ता कल्याण अक्षयकोष घोषणासंगै १लाख बढी रकम अक्षयकोषलाई सहयोग गर्ने कार्यकर्ताले प्रतिवद्धता ब्यक्त गरेका छन् ।
नेकपा एमाले वडा कमिटी दमक८ले आज आयोजना गरेको विपद् तथा कार्यकर्ता कल्याण अक्षयकोष घोषणा तथा अग्रज कार्यकर्ता सम्मान कार्यक्रममा सहभागी कार्यकर्ताहरुले अक्षयकोष वृद्धिको लागि १लाख बढीको सहयोग गर्ने प्रतिबद्धता ब्यक्त गरेका हुन् । अक्षयकोष मस्यौदा समिति संयोजक मन कुमार गदालको परिकल्पनामा पार्र्टी कमिटीले स्थापना गरिएको अक्षयकोषमा १लाख २३ हजार ५सय ४० रुपैयाँ अक्षयकोषमा जम्मा गर्ने कार्यकर्ताले घोषणा गरेका छन् ।
पार्टीको वडा कमिटी अध्यक्ष खेम बहादुर श्रेष्ठको अध्यक्षतामा भएको विपद् तथा कार्यकर्ता कल्याण अक्षयकोष घोषणा तथा अग्रज कार्यकर्ता सम्मान कार्यक्रममा एमाले जिल्ला कमिटी सदस्य तथा अक्षयकोष मस्यौदा समिति संयोजक मन कुमार गदालले कार्यकर्ता कल्याण अक्षयकोषको शुभारम्भका लागि ५हजार रुपैयाँको चेक वडा कमिटी अध्यक्ष तथा विपद् तथा कार्यकर्ता कल्याण अक्षयकोष सञ्चालन समिति संयोजक खेम बहादुर श्रेष्ठलाई प्रमुख अतिथि एमाले केन्द्रीय सदस्य होम बहादुर थापाको साथमा एक कार्यक्रमका बीच प्रदान गर्नु भएको वडा पार्टी कमिटी सचिव प्रकाश रिजालले जानकारी दिनु भयो ।
सोही कार्यक्रममा पार्टीमा लामो समयदेखि योगदान पुराउनु भएका अग्रज कार्यकर्ता मध्ये वडा भित्रका ९जना कार्यकर्तालाई सम्मान गरिएको छ । सम्मानित हुने अग्रज कार्यकर्ताहरु वडा भित्रकामा पर्शुराम लुइटेल, राम चन्द्र भण्डारी,लिलम कटुवाल,इन्द्र प्रसाद ढकाल,रत्न बहादुर गजमेर विश्वकर्मा,रमेश कुमार रिजाल,सुशिला गौतम,बम बहादुर नेपाल र जसोदा देवी रिजाललाई सम्मान गरिएको छ ।
उहाँहरुलाई पार्टीका केन्दीय सदस्य तथा कोशी प्रदेश सभा सदस्य तथा प्राकृतिक स्रोत तथा पूर्वाधार समिति सभापति समेत रहनु भएका थापाले सम्मान गर्नु भएको वडा कमिटी उपाध्यक्ष युवराज आचार्यले बताउनु भयो । सम्मानितहरु मध्येवाट रिजाल र गजमेरले बोल्दै जीवनमा केही स्मरण दिन मध्ये आज एक रहेको भन्दै सम्मानित हुन पाएकोमा खुशी ब्यक्त गर्नु भयो । प्रमुख अतिथि थापाले अहिले माग अनुसार कार्यकर्ताको लागि राम्रो कामको शुरुवात भएको बताउनु भयो । एमाले कोशीका स्थानिय विभाग सदस्य तथा दमक ८न.वडाका वडा अध्यक्ष धर्म प्रसाद दाहाल दिपेशले वडाको गतिविधि प्रस्तुत गर्दै अहिले वडामा अक्षयकोष सबैको लागि उपयोगी हुने धारण ब्यक्त गर्नु भयो ।
विपद् तथा कार्यकर्ता कल्याण अक्षयकोष संयोजक गदालले प्रस्तुत संगै सोही विस्तारित भेला तथा घोषणा कार्यक्रममा पारित गरिएको सदस्य हरिमाया चुडालले बताउनु भयो । अक्षयकोष मस्यौदा समिति संयोजक मन कुमार गदाल,सदस्यहरु खेमबहादुर,रिजाल,हरिमाया चुडाल र ममता रसाइली रहेका थिए ।
