दमक , ३ जेष्ठ | दमक नगरपालिकाका प्रमुख राम कुमार थापा ले प्रधानमन्त्री बालेन्द्र साह का प्रमुख राजनैतिक सल्लाहकार कुमार बेन सँग भेटवार्ता गरी दमकको विकास निर्माण तथा सुकुम्बासी समस्या समाधानबारे गम्भीर छलफल गर्नुभएको छ ।
नगरप्रमुख थापाका अनुसार जेठ २ गते सल्लाहकार बेनको निवासमा भएको भेटमा दमक नगर क्षेत्रका विकास निर्माणसँग सम्बन्धित प्राथमिक योजनाबारे विस्तृत संवाद भएको थियो।
विशेषगरी भूमिहीन दलित, सुकुम्बासी तथा अव्यवस्थित बसोबासको दीर्घकालीन समस्या समाधानलाई मुख्य एजेन्डा बनाइएको बताइएको छ।
भेटका क्रममा संघ, प्रदेश र स्थानीय तहबीच संस्थागत समन्वय तथा सहकार्यलाई बलियो बनाउँदै योजनाहरूलाई प्राथमिकता अनुसार अघि बढाउने सहमति भएको छ।
आवश्यक विधि र प्रक्रिया पूरा गर्दै समस्या समाधानका लागि शक्तिशाली संयन्त्र गठन गर्ने विषयमा समेत व्यापक छलफल भएको नगरप्रमुख थापाले जानकारी दिनुभएको छ ।
स्थानीय तहको दीर्घकालीन विकास र आवाससम्बन्धी समस्या समाधानका लागि केन्द्रसँग सहकार्य बढाउने उद्देश्यले उक्त भेटलाई महत्वपूर्ण मानिएको छ।
