बिराटनगर/ प्रदेश १ मा प्रत्येक वर्ष जबरजस्ती करणीका घटना बढेको देखिएको छ । पछिल्ला तीन वर्षको अवधिमा १७ सय भन्दा बढी जबरजस्ती करणीका घटना भएका छन् । प्रदेशका कुल १४ जिल्लामा वर्षेनी औसत ५ सय बढीको संख्यामा जबरजस्ती करणीको घटना हुने गरेको प्रहरीको तथ्याङ्कमा उल्लेख छ ।
फागुनको अन्तिम साता सुन्दरहरैचाकी १८ महिने बालीकाको बलात्कारपछि हत्या भयो । केहि समय अगाडि लेटाङकै एक बालिकाको बलात्कार पछि हत्या भयो । यी घटना सेलाउन नपाउँदै मोरङको लेटाङमा नै फेरी अर्को घटना घटेको छ । यतीसम्मकी विद्यालयको शिक्षकले घरमा नै गएर जवरजस्ती गर्न खोजेका कारण घटनाले ठूलो रुप लियो र एक महिला प्रहरीको ज्यान गयो ।
यसरी प्रदेश १ मा प्रत्येक वर्ष जबरजस्ती करणीका घटना बढेको देखिएको छ । पछिल्ला तीन वर्षको अवधिमा १७ सय भन्दा बढी जबरजस्ती करणीका घटना भएका छन् । प्रदेशका कुल १४ जिल्लामा वर्षेनी औसत ५ सय बढीको संख्यामा जबरजस्ती करणीको घटना हुने गरेको प्रहरीको तथ्याङ्कमा उल्लेख छ । जसमा ५ वर्षे शिशुदेखि ७० वर्षीया बृद्धा समेत बलात्कारमा परेका छन् । पछिल्लो समयमा एक पछि अर्को बालिका बलात्कारका घटना भईरहेका छन् ।
एक महिनाको अवधिमा मोरङमा ४ वटा बलात्कार घटना बाहिर आएका छन् । महिला अधिकारकर्मी मन्जिता उपाध्याय पिडकलाई राजनीतिक संरक्षण र प्रहरी प्रशानसन पनि महिलामैत्री नभएका कारण यस्ता घटनामा बृद्धि भएको बताउनुहुन्छ । त्यस्तै प्रदेश १ की सासंद सरिता थापाले प्रभावकारी रुपमा कानुन कार्यान्वयन नहुँदा समाजमा बलात्कारका घटनामा बढिरहेको बताउनुभयो ।
अधिवक्ता कला त्रितालका अनुसार नेपालको मुलुकी अपराध संहिता २०७४ मुलुकी फौजदारी कार्यविधि संहिता २०७४ र फौजदारी कसूर सजाय निर्धारण तथा कार्यान्वयन ऐन २०७४ ले जवरजस्तीकरणी मुद्धामा सजायको व्यवस्था गरेको छ । पछिल्लो संसोधनले कानुनमा पर्याप्तता ल्याएको भएपनि कानुन कार्यान्वयन पक्ष फितलो हुँदा घटनाहरु बढेको उहाँको भनाई छ ।
महिला हिंसा तथा बलात्कारका घटना न्युनिकरण गर्नको लागि भन्दै सरकारी निकाय तथा एनजिओ आईएनजिओहरुले धेरै रकम खर्चिएका छन् । अभियानहरु पनि सञ्चालन भईरहेका छन् । तर घटनामा न्युनिकरण आउनु भन्दा बढीरहेको अवस्था छ ।
