काठमाडौं,१८ असार । नेकपा एमालेका महासचिव शंकर पोखरेलले विश्वविद्यालयलाई राजनीतिमुक्त बनाउने दाबी गरेको सरकारले मेयरको उम्मेद्वार बनेका व्यक्तिलाई सेवा आयोगको अध्यक्ष बनाएकोमा आपत्ती प्रकट गर्नु भएको छ।
सरकारले हिजो त्रिभूवन विश्वविद्यालयमा नियुक्त गरेका किशोर थापा काठमाडौं महानगरको निर्वाचनमा २०७४ सालमा साझा पार्टीका तर्फबाट उम्मेद्वार बन्नु भएको थियो ।
‘ विद्यार्थी संगठन माथीको प्रतिबन्ध लगाउने सरकारको असली अनुहार मेयरको उम्मेद्वार बनेका पूर्व सचिवलाई विश्वविद्यालय सेवा आयोगको अध्यक्षमा कुर्सीमा पुर्याएर उदांगिएको छ’ महासचिव पोखरेलले लेख्नु भएको छ । राजनीतिकरण अन्त्य गर्ने नाममा अध्यादेश मार्फत रिक्त गरिएको पदमा आफ््नो दलको खास मान्छे नियुक्त गरिएको बताउनु भएको छ । सामाजिक सञ्जालमा लेख्दै महासचिव पोखरेलले थापाको नियुक्तीप्रति व्यंग्य गर्दै लेख्नु भएको छ ‘जान्नेलाई छान्नेको गजबको तरिका रहेछ । हैन र ?’
