दमक | १९ असार । झापाको दमक नगरपालिका–१, कुमाल चोकबाट एक क्यान्सर पीडित महिला हराएकी छन्। परिवारले उहाँको खोजीमा सहयोग गरिदिन सर्वसाधारणसँग आग्रह गरेको छ।
दमक–१ निवासी तथा जेन्जी नुडल्स, थुक्पा र चाउमिन व्यवसायी गणेश बोहोराकी करिब ५२ वर्षीया श्रीमती पविमाया बोहोरा बिहिवार बिहान ९ बजेतिर घरबाट निस्किएपछि हालसम्म परिवारको सम्पर्कमा आउनुभएको छैन।
परिवारका अनुसार उहाँ दमकबाट सिटी सफारी चढेर बसपार्कको पूर्वी स्टेन्ड पुगेको र बिहान करिब १० बजेर ४५ मिनेटतिर धरान जाँदै गरेको बसबाट मोरङको गछिया बस स्टेन्डमा ओर्लिएको जानकारी प्राप्त भएको छ।
बसमा यात्रा गर्ने क्रममा उहाँले “कहाँ जाने?” र “कति समयमा पुगिन्छ?” भन्ने जस्ता कुराकानी गरेको जानकारी परिवारले पाएको छ। तर उहाँले बसको भाडा तिर्नुभएको थियो वा थिएन, त्यसबारे भने कुनै पुष्टि हुन सकेको छैन।
पविमाया बोहोरालाई देख्नुभएको, उहाँसँग कुराकानी गर्नुभएको वा उहाँको अवस्थाबारे कुनै जानकारी भए तत्काल परिवारलाई सम्पर्क गरी खोजी कार्यमा सहयोग गरिदिन परिवारले हार्दिक अपिल गरेको छ।
सम्पर्कका लागि:
गणेश बोहोरा: ९८४२७०५४२८, ९८१७९६१४२८
अन्य सम्पर्क नम्बर:
९८०६०७४४७०, ९८१५०९७९७१, ९८१०२८३५८३
