काठमाण्डौँ,८ साउन। भारतको चर्चित जवाहरलाल नेहरू विश्वविद्यालय (जेएनयू) ले आफ्ना विद्यार्थी तथा शैक्षिक समुदायलाई नयाँ दिल्लीस्थित जन्तर–मन्तर वा त्यस आसपासका सार्वजनिक भेला र प्रदर्शनमा सहभागी नहुन कडा चेतावनी दिएको छ। सामाजिक सञ्जाल ‘एक्स’ मार्फत एक सूचना जारी गर्दै जेएनयूले सर्वोच्च अदालतको निर्देशिका पालना गर्न, जिम्मेवार व्यवहार देखाउन र व्यक्तिगत सुरक्षालाई प्राथमिकता दिन आग्रह गरेको छ। विश्वविद्यालयको नियम वा प्रचलित कानुन उल्लङ्घन गरेमा सख्त अनुशासनात्मक कारबाही हुने स्पष्ट पारिएको छ। साथै, विद्यार्थीहरूलाई सामाजिक सञ्जालको प्रयोग पनि जिम्मेवारीपूर्वक गर्न भनिएको छ।
यसअघि दिल्ली विश्वविद्यालय (डीयू) ले पनि यस्तै निर्देशन जारी गरिसकेको छ।
विश्वविद्यालयहरूको यो कदमपछि भारतको राजनीति तातेको छ। लोकसभाका विपक्षी दलका नेता राहुल गान्धीले कडा प्रतिक्रिया दिँदै ’विश्वविद्यालयले विद्यार्थीहरूलाई यसरी धम्क्याउन नपाउने’ बताउनु भएको छ्।
