दमक,१३ साउन । झापाको दमकमा खोल्सीमा डुबेको अबस्थामा एक जना मृत फेला परेका छन् ।
आज बिहान दमक ९ एमाले पार्टी कार्यालय नजिकैको खोल्सीमा डुबेको अबस्थामा दमक ९ का ४५ वर्षिय रमेश दर्जी मृत फेला पर्नु भएको छ । दमक ९ अन्नपूर्ण टोल दर्जी घोप्टो परी मृत अवस्थामा रहेको स्थानीय ३५ वर्षीया कबिता मण्डलले देखेर होहल्ला गरी इलाका प्रहरी कार्यालय दमकमा जानकारी गराउनु भएको थियो। घटना स्थलमा इलाका प्रहरी कार्यालय दमकको प्रहरी टोली पुगेर अनुसन्धान भइरहेको जनाइएको छ ।आवश्यक कानुनी प्रक्रिया पुरा गरि शव पोस्टमार्टमका लागि दमक अस्पताल पठाइएको छ ।
