काठमाडौं,२३ कात्तिक । नेपाली कांग्रेसका वरिष्ठ उपसभापति विश्वप्रकाश शर्माले बिचौलियाको बयानका आधारमा पार्टी र नेताहरूलाई बदनाम गर्न खोजिएको बताउनु भएको छ ।
नेपाली कांग्रेस काभ्रेपलाञ्चोक जिल्ला कार्यसमितिले आयोजना गरेको कार्यक्रममा पूर्वसभापति शेरबहादुर देउवाको टिप्पणीलाई लक्षित गर्दै शर्माले सामाजिक सञ्जालमा आएका अपुष्ट कुराका आधारमा धारणा बनाउन नहुने बताउनु भयो ।
उहाँले भन्नु भयो, ‘एउटा बिचौलियाले कहीँ भन्यो अरे। त्यसैका आधारमा यति खायो रे, उति बुझायो रे, यति करोड बुझायो रे भनेर फेसबुकमा लेखेर हुन्छ ?’
उहाँले जीवनमा मन्त्रीका रूपमा ८–( महिना मात्रै जिम्मेवारीमा रहेका सभापति गगन थापा र आफू सांसद मात्र बनेको व्यक्ति भएको उल्लेख गर्दै करोडौँ रुपैयाँ बुझाएको भन्ने आरोपको आधारमाथि प्रश्न उठाउनु भयो । पटक–पटक सत्तामा पुगेका नेताहरूले नै त्यस्तो रकम बुझाउन सक्ने भन्दै उहाँले आफूलाई जोडेर गरिएका आरोपको खण्डन गर्नुभएको हो ।
शर्माले बिचौलियाले भनेको कुरालाई प्रमाणका रूपमा लिन नहुने तर्क गर्दै बैंक डकैतीमा पक्राउ परेको व्यक्तिले कसैको नाम लिँदैमा त्यसलाई अदालत र कानुनले प्रमाणका रूपमा स्वीकार गर्छ कि गर्दैन भन्ने उदाहरण प्रस्तुत गरर्नुभयो । उहाँले भन्नुभयो, ‘एउटा बिचौलियाले कहीँ भन्यो अरे भन्दैमा त्यसैको हुइँयामा कुद्नु हुँदैन।’
कांग्रेसको विशेष महाधिवेशन र १५औँ महाधिवेशन पार्टीको विधि, विधान, प्रक्रिया र संविधानअनुसार इमानदारितापूर्वक सम्पन्न भएको उहाँको दाबी थियो । राष्ट्रिय आवश्यकता र परिस्थितिका कारण पार्टीलाई नयाँ ढङ्गले अघि बढाउनुपर्ने अवस्था आएको उहाँले बताउनु भयो ।
‘ढुक्क मान्नुहोला, नेपाली कांग्रेस पार्टीको विशेष महाधिवेशन गरेर १५औँ महाधिवेशनसम्म पुग्दै गर्दा पार्टीको विधि, विधान, प्रक्रिया, संविधान सबै कुराबमोजिम इमानदारितापूर्वक सबै काम भएको छ,’ उहाँले भन्नुभयोे ।
शर्माले गगन थापाको नेतृत्वमा कांग्रेस योजनाबद्ध रूपमा अघि बढिरहेको उल्लेख गर्दै पार्टीलाई चुस्त र व्यवस्थित बनाउने अभियानमा सबै नेता तथा कार्यकर्ता जुट्नुपर्ने बताउनु भयो । काभ्रेको कांग्रेसले आफ्नो संगठनको जरा बलियो बनाउनुपर्ने उहाँको भनाइ थियो ।
उहाँले पार्टीका नेता तथा कार्यकर्तालाई तनावमुक्त भएर अध्ययन, मेहनत र आत्मविश्वासका साथ काम गर्न आग्रह गर्नुभयो
काठमाडौं,२३ कात्तिक । नेपाली कांग्रेसका वरिष्ठ उपसभापति विश्वप्रकाश शर्माले बिचौलियाको बयानका आधारमा पार्टी र नेताहरूलाई बदनाम गर्न खोजिएको बताउनु भएको छ ।
नेपाली कांग्रेस काभ्रेपलाञ्चोक जिल्ला कार्यसमितिले आयोजना गरेको कार्यक्रममा पूर्वसभापति शेरबहादुर देउवाको टिप्पणीलाई लक्षित गर्दै शर्माले सामाजिक सञ्जालमा आएका अपुष्ट कुराका आधारमा धारणा बनाउन नहुने बताउनु भयो ।
उहाँले भन्नु भयो, ‘एउटा बिचौलियाले कहीँ भन्यो अरे। त्यसैका आधारमा यति खायो रे, उति बुझायो रे, यति करोड बुझायो रे भनेर फेसबुकमा लेखेर हुन्छ ?’
उहाँले जीवनमा मन्त्रीका रूपमा ८–( महिना मात्रै जिम्मेवारीमा रहेका सभापति गगन थापा र आफू सांसद मात्र बनेको व्यक्ति भएको उल्लेख गर्दै करोडौँ रुपैयाँ बुझाएको भन्ने आरोपको आधारमाथि प्रश्न उठाउनु भयो । पटक–पटक सत्तामा पुगेका नेताहरूले नै त्यस्तो रकम बुझाउन सक्ने भन्दै उहाँले आफूलाई जोडेर गरिएका आरोपको खण्डन गर्नुभएको हो ।
शर्माले बिचौलियाले भनेको कुरालाई प्रमाणका रूपमा लिन नहुने तर्क गर्दै बैंक डकैतीमा पक्राउ परेको व्यक्तिले कसैको नाम लिँदैमा त्यसलाई अदालत र कानुनले प्रमाणका रूपमा स्वीकार गर्छ कि गर्दैन भन्ने उदाहरण प्रस्तुत गरर्नुभयो । उहाँले भन्नुभयो, ‘एउटा बिचौलियाले कहीँ भन्यो अरे भन्दैमा त्यसैको हुइँयामा कुद्नु हुँदैन।’
कांग्रेसको विशेष महाधिवेशन र १५औँ महाधिवेशन पार्टीको विधि, विधान, प्रक्रिया र संविधानअनुसार इमानदारितापूर्वक सम्पन्न भएको उहाँको दाबी थियो । राष्ट्रिय आवश्यकता र परिस्थितिका कारण पार्टीलाई नयाँ ढङ्गले अघि बढाउनुपर्ने अवस्था आएको उहाँले बताउनु भयो ।
‘ढुक्क मान्नुहोला, नेपाली कांग्रेस पार्टीको विशेष महाधिवेशन गरेर १५औँ महाधिवेशनसम्म पुग्दै गर्दा पार्टीको विधि, विधान, प्रक्रिया, संविधान सबै कुराबमोजिम इमानदारितापूर्वक सबै काम भएको छ,’ उहाँले भन्नुभयोे ।
शर्माले गगन थापाको नेतृत्वमा कांग्रेस योजनाबद्ध रूपमा अघि बढिरहेको उल्लेख गर्दै पार्टीलाई चुस्त र व्यवस्थित बनाउने अभियानमा सबै नेता तथा कार्यकर्ता जुट्नुपर्ने बताउनु भयो । काभ्रेको कांग्रेसले आफ्नो संगठनको जरा बलियो बनाउनुपर्ने उहाँको भनाइ थियो ।
उहाँले पार्टीका नेता तथा कार्यकर्तालाई तनावमुक्त भएर अध्ययन, मेहनत र आत्मविश्वासका साथ काम गर्न आग्रह गर्नुभयो ।
