दमक/
सरकारले एकैपटक पेट्रोलियम पदार्थमा अचाक्ली मुल्य बृद्धि गर्यो । स्थानीय तहको निर्वाचन सकिएको भोलीपल्टै सरकारले मुल्य बृद्धिको घोषणा गर्यो । अहिले यसको सडक देखी सदन सम्म बिरोध भइरहेको छ ।
अहिले आम नागरिकको क्रय शक्ति कमजोर भएको छ । आर्थीक मन्दीले गर्दा उपभोक्तासँग पर्याप्त पैसा छैन । तर सरकार यस्तो बेलामा पनि राजस्व संकलनमा मात्रै ध्यान केन्द्रित गरेर बसेको दमक बहुमुखी क्याम्पसका प्राध्यापक धनन्जय बास्कोटा बताउनु हुन्छ ।
बिहिबार उज्यालो खवरको कार्यालयमै आएर आएर उहाँले सरकार जनताको प्रतिनिधी बन्न नसकेको भन्दै टिप्पणी पनि गर्नु भयो ।
जनताको घरमा चुल्हो निभ्ने अवस्था सरकार आफैले ल्याइरहेको छ । यो निन्दनीय कुरा हो । उहाँले उज्यलो खवरसँगको कुराकानीका क्रममा बताउनु भएको छ ।
अन्तराष्ट्रिय बजारमा पेट्रोलको मुल्य बढ्यो त्यहि भएर नेपालमा पनि बढाइएको हो भन्ने सरकारको तर्क गलत रहेको उहाँको भनाई छ ।
सरकार नाफा घाटा हेर्ने ब्यापारी बन्न खोजेको भन्दै उहाँ भन्नु हुन्छ ‘सरकारले यस्तो बेलामा पेट्रोलियम पदार्थमा आयल निगमलाई अनुदान दिएर भएपनि मुल्य बृद्धि गर्नबाट रोक्न पर्छ । ’
नेपाल आयाल निगमले आयात गर्दा जुन लागत तिर्छ त्यसमा सरकारले आम नागरिकलाई मुल्य बृद्धि नगर्ने गरि बढाउनु पर्ने शुल्क बराबरको रकम अनुदान दिएर भएपनि यसको नियन्त्रण गर्न सकिन्थ्यो ।
तर सरकारले ब्यापारीको जस्तो नाफा घाटा हेरेर बस्यो । ’ बास्कोटा भन्नु हुन्छ ‘सरकार भनेको जनताको प्रतिनिधी हो । तर जनताको प्रतिनिधिले जनताको समस्या बुझेर समाधानका उपाय ननिकाले कस्ले निकाल्छ त ? उहाँको प्रश्न छ ।
पेट्रोलियम पदार्थको मुल्य बृद्धि हदा त्यसको मात्रै महगी बढ्दैन । यसले नुन देखी सुन सम्मको बजारमा असर गर्छ ।
यसले ढुवानीमा हुने लागत बृद्धि गराएसँगै हरेक दैनिक उपभोग्य बस्तुको मुल्य बृद्धि हुने भएकोले यी सबै हुनबाट रोक्न सरकारले पेट्रोलियम पदार्थमा अनुदान दिएर भएपनि नियन्त्रण गर्नै पर्ने उहाँको सुझाव छ ।
उज्यालो खवरले प्राध्यापक बास्कोटासँग गरेको कुराकानीको भिडयो तलको लिङकबाट हेर्न सक्नु हुने छ ।
