झापा /
झापामा हात्तिबाट सास्ती पाउने घटना नौलो हैन । अझ यहाको मेचिनगर र बुद्धशान्ती गाउपालीका सबैभन्दा प्रभावित पालिका हुन । अन्य स्थानमा रातमा हात्तीले दुख दिने भए पनि यी क्षेत्रमा दिन दहाडै सडकमा निस्किएर दुख दिने गरेको छ ।
यहि क्रममा शुक्रबार साँझ ५ः४० बजेतिर थोप्लेबिरान सामुदायिक बन क्षेत्रको भित्री सडकबाट स्कुटर चलाएर घर गइरहेकी एक युवतीको हात्तीको आक्रमणमा मृत्यु भएको छ ।
मेचीनगर–९ मा रहेको थोप्लेबिरानबाट बुद्धशान्ति–५ स्थित घर जाँदै गरेकी ३४ वर्षीया सम्झना श्रेष्ठको मृत्यु भएको हो ।
मे७प २०४६ नम्बरको स्कुटरमा सवार श्रेष्ठलाई अचानक देखा परेको हात्तीले आक्रमण गरेर घाइते बनाएको थियो ।
घाइते अवस्थामा उनलाई उपचारका लागि मेची आम्दा अस्पताल लगिएकोमा उपचारकै क्रममा मृत्यु भएको प्रहरीले जनाएको छ ।
भदौ १४ गते बाह्रदशी–१ का ८० वर्षीय देबीबहादुर अधिकारीको पनि हात्तीको आक्रमणमा मृत्यु भएको थियो । अधिकारी स्थानीय मनकामना सामुदायिक बनमा घाँस काट्न जाँदा सो घटना भएको थियो ।
