विराटनगर । बाथरुमा नुहाउदै गरेको किशोरीको नग्न भिडियो खिचेको आरोपमा मोरङ प्रहरीले पक्राउ गरेको छ । पक्राउ पर्नेमा पथरीशनिश्चरे नगरपालिका २ का ३२ बर्षिय मिलन परियार रहेका छन् ।
पथरीशनिश्चरे बसेर कक्षा ११ पढ्दै गरेकी १६ बर्षिय किशोरी आफन्त घरमा बस्दै आएकी थिईन् । उनी बाथरुममा नुहाउदै गर्दा परियारले भिडियो खिचेका थिए ।
बाथरुममा नुहाउदै गर्दा परियारले आफ्नो मोबाइलबाट भिडियो खिचेको अनुसन्धानका क्रममा बताएका छन् ।
घरको भ्यान्टिलेसनको सानो छेँडीबाट लुकेर भिडियो खिचिरहेको देखेपछि किशोरी चिच्याउदै बाहिर निस्केकी थिइन् । भिडियो खिच्ने परियारको मोबाइल खोसेर हेर्दा ३ र १ मिनेटको गरी जम्मा ४ मिनेटको भिडियो बनाएको छिमेकीले बताए ।
