दमक/
दमकमा ३ वटा अस्पतालमा कोरोना संक्रमितको उपचार हुन्छ । दमक अस्पताल अन्तरगतको कोभिड उपचार केन्द्र बेलडाँगी , सामुदायीक अस्पताल आम्दा अस्पताल र निजी क्षेत्रबाट एडभान्स मल्टि स्पेसियालिटि हस्पिटल दमक । यी तीनबटा अस्पतालमा कुल बेड संख्या ८० छ ।
यसमध्ये सबैभन्दा धेरै आम्दा अस्पतालमा ३८ बेड कोरोना संक्रमितका लागि छुट्याइएको छ । यसपछि दास्रो धेरै दमक अस्पतालको कोभिड उपचार केन्द्रमा ३० बेडको छ भने निजी स्तरको एडभान्समा २३ बेडको छ । यसमध्ये दमक अस्पतालको कोभिड उपचार केन्द्र बेलडाँगीमा ३० बेडमा ३० बेडनै भरिएका छन् । यता आम्दा अस्पतालको ३८ बेडमा २४ बेड भरिएका छन् भने एडभान्सामा २३ बेड मध्ये ११ बेडमा बिरामी उपचार गराइरहेका छन् ।
यस्तै कोभिड उपचार केन्द्र दमकमा सुक्रबार सबैभन्दा बढि कोरोना संक्रमितले ओपीडि सेवा लिएका छन् । त्यहाँकी व्यवस्थापन समिती सदस्य सचिव देवि दंगालले का अनुसार शुक्रबार ४९ जनाले ओपिडि सेवा लिएका हुन । दमकमा दैनिक १५ देखि २० जनाको मात्रै ओपीडि गरिदै आएकोमा शुक्रबार ४९ जनाको सेवा लिएका हुन ।
दमकमा पछिल्लो समय कोरोनाको जोखिम अत्यन्तै बढिरहेको छ । यसको रोकथाम तथा नियन्त्रण गर्नका लागि नगरले पूणर् लक डाउन पनि गरेको छ । तर लक डाउन गरेर पनि संक्रमितको संख्यामा खासै कमी आएको छैन । पछिल्लो समय संक्रमित भएर अस्पताल जाने विरामीहरुको अवस्था अत्यन्तै चिन्ताजनक हुने गरेको आम्दा अस्पतालका एनेस्थेसियोलोजिष्ट डा. नबिन ढकालले जानकारी दिनुभयो ।
अहिलेकै अवस्थाले निरन्तर्ता पाइरहेमा कोरोना संक्रमितहरुले उपचारका लागि बेड नपाउने समस्या त बढ्छ नै यसभन्दा अघि झेलिएको अक्सिजन अभाव फेरि पनि सुरु हुने उहाँले बताउनु भयो ।
दमक अस्पतालको कोभिड उपचार केन्द्रमा संक्रमितको उपचारमा खटिरहनु हुने डा. दिवस बोहोराले संक्रमितहरु निकै साह्रो भएपछि मात्रै अस्पताल आउने गरेकोले अवस्था जटिल बन्दै गएको बताउनु भयो । नगरपालिकाले जारी गरेको निषेधाज्ञालाई पूणर् पालना गरेर घरमै बस्ने हो भने यसले केहि समयमा चेन ब्रेक गर्न सक्ने विस्वास उहाँलाई छ । तर यसको पूणर् रुपमा पालना नागरिक तहबाटै हुनुपर्ने उहाँको भनाई छ ।
स्थास्थ्य कार्यालय झापाको तथ्याकं अनुसार शुक्रबार मात्रै दमकमा ७५ जना कोरोनाका संक्रमित थपीएका छन् ।
