विर्तामोड/
विर्तामोड स्थित एक होटलमा कोरोना विरुद्धको खोप फेला परेपछि विर्तामोड नगरपालिकाको स्वास्थ्य कर्मचारीका २ कर्मचारीको भनाई बाझिएको छ । खोप लुकाएको आरोपमा नगरपालिकाका कोभिड फोकल पर्सन ओम खड्का पक्राउ परेपछि उहाँको र शाखाका प्रमुख तुलसी पोखरेलको कुरा बाझिएको हो ।
शुक्रबार दिउँसो होटलबाट पक्राउ परेपछि फोकल पर्सन खड्काले आफू होटेलमा बसेकाले तर खोप आफुले नल्याएको बताउनु भएको छ । उहाँले स्वास्थ्य कार्यालयको गाडीले यहाँ ल्याएर छाडेर गएको दावि गर्नु भएको छ । तर बिर्तामोड स्वास्थ्य शाखाका प्रमुख तुलसी पोखरेलले होटेलमा खोप पुगेको विषयमा आफूलाई जानकारी नभएको बताएका छन्
स्थानीय युवाहरूले बिर्तामोड नगरपालिका-१ स्थित होटेल टाएमलेस मोमेन्टबाट १०० भायल खोपसहित स्वास्थ्य शाखाका फोकल पर्सन खड्कालाई शुक्रवार दिउँसो रंगेहात समातेका थिए ।
होटेलको दराजमा लुकाएर राखिएको अवस्थामा खोप फेला परेपछि खड्काले सिलबन्दी कार्टुन फोडेर खोप अन्यत्र लुकाएका थिए । लुकाइएको खोप होटेलको प्रतीक्षालय कक्षको टेबलमा फेला परेको थियो ।
खड्काले सोही होटेलभित्र आफ्ना निकट व्यक्तिलाई बोलाएर खोप लगाउने गरेको सूचना पाएपछि स्थानीय युवाहरू त्यहाँ पुगेका थिए । होटेलमा खोप भेटिएपछि भेला भएका युवाहरूले आक्रोश पोखेका छन् । दनभरि लाइनमा लागेका नागरिकले खोप लगाउन नपाउने र स्वास्थ्य शाखाका कोभिड फोकल पर्सन खडकाले चाहिँ खोप होटेलमा ल्याएर लगाउने काम गरेकोले यस्ता व्यक्तिलाई कानुन बमोजिम कारबाही गरिनुपर्ने माग राखेका छन् ।
यता खोपसहित स्वास्थ्य शाखाका खड्का समातिएको खबर प्रहरी समक्ष पुग्न साथ इलाका प्रहरी कार्यालय अनारमनिको टोली तुरुन्त घटनास्थल पुगेका थिए ।
त्यसपछि प्रहरीले १०० भायल खोपसहित खड्कालाई नियन्त्रणमा लिएको लिएको प्रहरी कार्यालय झापाका डिएसपी राकेश थापाले जानकारी दिनुभयो ।
