दमक/
कोरोना महामारीका बेला संक्रमितका लागि सभैभन्दा बढि अग्रभागमा बसेर सेवा नर्सले गर्छन । उनीहरु दिनरात नभनी परिवारको साथबाट समेत अलग रहेर अहिले कोरोना संक्रमितको उपचारमा खटिरहेका छन् ।
झापाको दमक २ स्थित आम्दा अस्पतालको ब्लक नम्वर एफ । यो ब्लक सघन उपचार इकाई भवन हो । अर्थात आइसियू उपचार केन्द्र । यहाँ ५ वटा भेण्टिलेटर सहित ६ बेडको आइसियू बेड रहेको अस्पतालले जनाएको छ । यहाँ अहिले अन्य रोगका बिरामीको उपचार भएको छैन । यी सबै बेडमा कोरोनाका कारण संक्रमण भएर आएका संक्रमित विरामीहरुको उपचार भै रहेको छ । संक्रमितहरुलाई उच्च सर्तकताका साथ यहाँ उपचार गराइरहिएको छ । अस्पतालले आफुसँग उपलब्ध भएका सबै प्रकारका श्रोत र साधनको प्रयोग गरेर बिरामीलाई निको पार्न तल्लिन भएको छ । यहि आइसियूको मुल ढोकामा केहि नर्सहरु भेटिनु भयो । उहाँहरु आइसियूमा भर्ना हुन आउने बिरामीलाई उपचार गर्ने गर्नुहुन्छ ।
बिरामीलाई मुसुक्क हाँसेर तपाईलाई केहि हुँदैन है भनेर नर्सले बोल्दा मात्र पनि बिरामीको आदा रोग निको हुन्छ भन्ने विस्वास गरिन्छ । तर अहिले यी नर्सहरु हास्न सकिरहनु भएको छैन । आफ्नो ओठको मुस्कानलाई सेतो मास्क, मुखभरी छोपीने फेस सिल लगायतले ढाकिएको छ । उहाँहरु ब्रिामी सँग बोल्दा पनि सकभर दुरी राखेर मात्र बोल्नु हुन्छ । शरिर भरि सेतो रङ्गको पिपिइ लगाएको हुँदा बिरामीले नर्स हो वा अन्य कोहि ठम्याउन पनि सक्दैनन । तर पनि नर्सहरु बिरमीलाई आफ्नै समस्या जस्तै ठानेर सेवा गरिरहेका छन् । आम्दा अस्पतालमा कार्यरत सुस्मिता साक्य जोखिम भएपनि आफ्नो पेषाप्रति रमाउँदै खुसी हुँदै बिरामीको कोरोना संक्रमितको उपचार गरिरहेको बताउनु हुन्छ ।
यता दमककै एडभान्स मल्टि स्पेस्यालिटि अस्पतालमा आइसियूमै बिरामीको उपचार गरिरहनु भएकी बिनु निरौलाको मन सुरुमा चाहि निकै आत्तीएको थियो । तर बिस्तारै यी कुरा सामान्य जस्तै बन्दै गएपछि अहिले कोरोना भएर निकै अप्ठ्यारो परेर आएका बिरामीलाई आइसियूमा राखेर उपचार गराउनु हुन्छ । आइसियूको हाइ केयरमा राखीएका बिरामी होस वा भेण्टिलेटरमा मृत्यूसँग जुधीरहेका संक्रमिती नै किन नहुन । ती सबैको सेवामा सबै भन्दा अगाडी गएर उहाँले नै सेवा गर्नु हुन्छ । गर्दा गर्दै कतिपयको ज्यान समेत जाने गरेको उहाँले बताउनु भयो ।
शरिरमा सेतो गाउन त प्राय सबै स्टाफ नर्सहरुले लगाउने गर्नु हुन्छ । तर आम्दा अस्पतालकी सोना दाहाललेले गाउन मात्र लगाउनु भएको छैन । उहाँको शिर पनि छोपीएको छ । उहाँले लगाएको चप्पललाई पनि प्लाष्टिकले बेरिएको छ । उहाँले लगाएको गाउनपनि अन्य जस्ते सामान्य होईन । शरिरलाई पुरै ढाकेको छ । यी सबै साधानहरु लगाएर उहाँ आइसियू कक्षमा भेटिनु भयो । उहाँ त्यहाँ भित्र रहेकाहरुको अवस्था के छ भनेर भित्र जान लाग्दै गर्दा कोभिड बुटिको टिमसँग भेट भयो । उहाँले भन्नु हामी अस्पतालमै बसेर संक्रमितको उपचार गरिरहेका छौ ।
जोखिम त भनि साध्य छैन । हर मिनेट मृत्यूसँग जुधिरहिएको हुन्छ । आफ्नै आँखा अगाडी कोरोना संक्रमितको मृत्यू हुँदा मन आत्तालीएपनि आत्मबल बलियो बनाएर काम गर्ने गरेको बताउनु भयो । तर उहाँले स्टार्फ नर्सहरुको मनलाई बलियो बनाउन सरकारले जसरी प्रोत्सान गर्नुपर्ने हो त्यो मात्रामा चाहि नगरेको भन्दै गुनासो गर्नु भएको छ ।
विस्वभर कोरोनाकै कारण कतिपय चिकित्सक र स्टाफ नर्सहरुले मृत्यूवरण गरिरहनु परेको छ । यो विषम् परिस्थितीमा पनि संक्रमितको उपचारमा खटिएका स्टाफ नर्सहरु प्रति राज्यले सम्भोधन गर्न आवश्यक छ ।
