दमक/
दमक नगरपालिकाले नगरभित्र कोरोनाको जोखिम बढेको भनेर साउन ११ गते रातीदेखी लक डाउन गरेको थियो । यसको अवधि साउन १७ गते राती १२ बजे सम्मको थियो । यसको अवधि आईतबार बेलुका १२ बजे सकिदै छ । त्यसैले अवको रणनिती के भन्नेबारेमा आईतरबार साँझसम्म नगरपालिकामा बैठक बसेको थियो ।
नगर प्रमुख प्रमुख रोमनाथ ओलीको अध्यक्षतामा बसेको बैठकले दमक नगरपालिकाको लक डाउनको मोडालिटिमा केहि परिबर्तन गरेको छ । जसमा यसअघि हरियो तरकारीका बजार पनि पूणर् बन्द गर्ने भनिएको थियो । दुध र अण्डाका पसल मात्रै स्वास्थ्य मापदण्ड पालना गरेर खोल्न पाउने भनिएको थियो । तर अबबाट हरियो तरकारीको किनबेच पनि गर्न पाइने छ ।
यसका लागि जिल्ला प्रशाषन कार्यालयको निणर्यलाई नै मान्यता दिने बताइएको छ । त्यो भनेको बिहान ६ बजे देखी ८ बजे सम्मको हो । अर्थात अव दमकमा बिहानको उपरोक्त समयमा तरकारीका बसलहरुले स्वास्थ्य मापदण्ड पालना गरेर सञ्चालन गर्न पाउने छन् । यस्तै अतिआवश्यकीय बस्तुको ढुवानी गर्नपनि निश्चित समय तोकिएको छ । साझ का ५ बजे देखी बुलुका ८ बजे सम्ममा सबै प्रकारका ढुवानीका काम सकिसक्नु पर्ने र यसकालागि पनि दमक नगरपालिका, सुरक्षा निकायसँग अनिवार्य समन्वय गर्नु पर्ने प्रावधान राखीएको छ ।
एटिम बाहेक सबै वित्तिय सस्था पूणर् बन्द
जिल्ला प्रशाषन कार्यालय झापाले केन्द्रको अनुमति वा निर्देशन अनुसार हप्ताको ३ दिन बैक तथा वित्तिय सस्थाले आलोपालो कर्मचारी राखेर सञ्चालन गर्न पाउने भनेको छ । तर यो सुविधा दमकमा भने पाइने छैन । दमकमा रहेको सबै प्रकारका बैक तथा वित्तिय सस्थाहरुले आफ्ना सम्पूणर् कामका साथै प्रशषनिक काम पनि गर्न पाने छैनन् । कार्यालयको भित्रको काम छ । सेवाग्राहिको सेवामा होईन । आन्तरिक काम भन्दै पनि कार्यालय खोल्न नपाउने निणर्य भएको दमक नगरपालिकाका कोरोना फोकल पर्सन कुबेर भट्टराईले जानकारी दिनुभयो ।
यस्तै दमकमा अति आवश्यक बाहेकका सबै सेवाप्रदायक तथा बस्तुको किनबेच गर्ने ब्यापार व्यवसाय पूणर् रुपमा बन्द गरिने छ । सर्वसाधरणको हिडडुललाई नियन्त्रण गर्न नगरपालिकाले विषेश सयन्त्र बनाएर अनुगमन गर्ने जनाएको छ । प्रहरी प्रशाषनले लक डाउन उल्लघन गर्नेलाई अवबाट कार्वाहि र दण्डको प्रबन्ध गर्ने पनि जनाएको छ ।
स्वास्थ्य सस्थाको हकमा अस्पतालहरुले इमरजेन्सि बाहेकका अन्य सेवाहरु आवश्यकता र जटिलताका आधारमा सञ्चालन गर्न पाउने छन् । तर अस्पतालमा ओपिडी बन्द गरेर क्ििलनकमा गएर ओपिडी सेवा नदिन चिकित्सकहरुलाई आग्रह गरिएको छ । कुनैपनि क्लिनिकले चिकित्सक राखेर ओपिड सञ्चालन गरेमा चिकित्सक तथा मेडिकल सञ्चालकलाई पक्राउ गरिने पनि जनाइएको छ ।
यो निणर्य आगामी २४ गते राती १२ बजे सम्म लागु हुने छ । ।त्यसपछि दमकमा कोरोनाको जोखिम हेरेर थप निणर्य लिइने जनाइएको छ ।
