दमक/
झापाको कमल गाउँपालिकामा प्रादेशिक आयूर्वेदिक अस्पतालको भवन निर्माण सम्पन्न भएको छ । केन्द्र सरकारको लागतमा तयार भएको यो अस्पताल अव प्रदेश सरकारमा हस्तान्तरण भएपछि सञ्चालन गर्ने योजना बनाइएको छ । यो अस्पताल सञ्चालनमा आएपछि कमलसँगै प्रदेश १ बासीले उच्च स्तरिय आयूर्वेदिक स्वास्थ्य सहित अन्य सेवा पनि पाउने विस्वास गरेका छन् ।
बाहिरबाट आँखाले हेर्दा प्रादेशिक आयूर्वेदिक अस्पताल जसरी भव्य देखिन्छ यसको भित्रै पसेर हेर्दा रोचक छ । यहाँ आयूर्वेदिक उपचार पद्धितीबाट जुन जुन स्वस्थ्य सेवा दिइन्छ त्यसका लागि विषेश कक्ष बनाइएको छ । छुट्टै ओपिडीको वार्ड छ । यतिमात्र होईन यहाँ आयूर्वेदिक पद्दतीबाटै एक्सरे गर्नका लागि पनि कक्ष बनाइएको छ ।आइसियू, एन आइसियू जस्ता जटिल कक्षहरु पनि यहाँ बनाइएको छ । यसका साथै यो आयूर्वेदिक अस्पताल भवनको अर्को विषेशता भनेको चाहि यहाँ आगो लागिहालेमा निभाउन प्रयोग गरिने फायरिङ र पानीको पुर्ती तथा प्रयोग गर्न बोम्बाको बेग्लै प्लाण्ट पनि तयार गरिएको छ । पहिलो र दोस्रो तलाको क्षेत्रफल २ हजार २ सय स्कायर मिटर रहेको छ भने तेस्रो तला १ हजार ३ सय क्वायर मिटरमा फैलिएको छ । सबै वार्डहरु फराकिला छन् । यसका साथै यहाँ योगा हलको पनि छुट्टै प्रवन्ध गरिएको छ । प्रसुति सेवा पनि यहिबाट दिन सकियोस भनेर त्यस सम्बन्धीको कक्षपनि यहाँ निर्माण गरिएको सघन सहरी विकास तथा भवन निर्माण आयोजना, झापाका इन्जिनियर भुपेन्द्र यादवले बताउनु भयो ।
यो आयूर्वेदिक अस्पतालको निर्माण सम्पन्न भएपछि यस आसपासका नागरिकमा उत्साह बढेको छ । नागरिकले स्तरिय आयूर्वेदिक सेवा आफ्नै ठाउँबाट पाउन सक्ने भन्दै स्थानीयबासी मणिकुमार भण्डारीले एलोपेथिक पद्धतीबाट निको नभएका र सन्तुष्ट नभएकाहरुलाई मद्यत पुग्ने बताउनु भयो ।
दुःख र अप्ठयारो पर्दामात्रै आयूर्वेदिकको भर पर्ने चलन हाम्रो समाजमा छ । अन्यबेला एलोपेथिक अस्पतालकै विस्वासमा आम मानिस दौडिरहेका छन् । अहिले कोरोना कहर सुरु भएपछि आयूर्वेदिक प्रतिको विस्वास केहि मात्रामा बढेको कमल गाउँपालिका अध्यक्ष मेनुका काफ्ले बताउनु हुन्छ । तर यसले मात्र पर्याप्त नहुने भन्दै कमल बासीमा आयूर्वेदिक प्रतिको विस्वास बढाउन गाउँपालिकाले बजेटकै व्यवस्था गरेर प्रचार गर्ने र यसकालागि आयूर्वेदिक स्वास्थ्य शिविरहरु गराउने उहाँले बताउनु भयो ।
सुरुमा यसलाई पूर्वाञ्चल क्षेत्रीय आयूर्वेद चिकित्सायल नाममा सिलान्यास गरिएको थियो । २०७५ साल भदौ ७ गते तत्कालीन प्रधानमन्त्री केपी शर्मा ओलीले यसको सिलान्यास गर्नु भएको थियो । पछि संघिय संरचना बनेपछि यसलाई प्रादेशिक आयूर्वेदिक अस्पताल बनाउने र यसको सञ्चालन तथा व्यवस्थापनको जिम्मा प्रदेश १ सरकालाई दिने निणर्य भएको स्थानीय एमाले नेता होम बहादुर थापाले बताउनु भयो । आयूर्वेदिक चिकित्सा सम्बन्धीको मेडिकल कलेज नै यसलाई बनाउने गरिको संचना बनाइएको उहाँको भनाई छ । बैद्यहरुको यहिबाट उत्पादन गर्ने र यस क्षेत्रको प्रोत्साहन गर्न यसले मद्यत पुर्यायने विस्वास थापाको छ ।
अहिले भवन निर्माणको सबै काम सकिएको छ । अव यसलाई सञ्चालन गर्न यहाँ आवश्यक पर्ने उपकरण तथा अन्य श्रोत साधनका साथै जनशक्तिको व्यवस्थपन गर्नु पर्ने छ । यसकालागि अव प्रदेश सरकारले तदारुकता देखाउनु पर्ने हुन्छ ।
यहि क्षेत्रबाट प्रदेश १ को प्रदेशसभामा प्रतिनिधित्व गर्नुभएका प्रदेश सभा सदस्य अर्जुन राईले केन्द्र सरकारले प्रदेश सरकारलाई औपचारिक हस्तान्तरण गर्न बाँकी रहेकोले बाँकी काम गर्न समस्या भएको बताउनु भयो । त्यसका लागि पनि प्रदेश १ का मुख्यमन्त्री शेरधन राई र सामाजिक विकास मन्त्री उषाकला राईले केन्द्र सरकारसँग सहकार्य गरिरहनु भएको उहाँले जानकारी दिनुभयो ।
यो भवन निर्माणको सुरुको लागत अनुमान २३ करोड ५१ लाख रुपैँयामा आह्वान गरिएको गरिएको थियो । यसमा रबिना खनाल जेविले सुरुको सम्झौता रकम १९ करो ५१ लाखमा गरेको थियो । पछि भवनको डिजाईनमा केहि परिवर्तन भएपछि २० करोड ६३ लाख रुपैँयामा काम सम्पन्न गरेको छ । २०७५ असा ३१ गते भवन निर्माणको लागि सम्झौता भएको थियो । त्यसबेलाको सम्झौताले २०७७ असार ३१ गते सम्पन्न गरिसक्नु पर्ने थियो । तर कोभिडका कारण १ वर्ष म्याद थप गरि २०७८ असानर २५ गते यसको निर्माण सम्पन्न गरिएको निर्माण कम्पनी रबिना खनाल जेविका अध्यक्ष प्रकाश केसीले जानकारी दिनुभयो ।
भवन २ बिगाह १ धुर क्षेत्रफलमा फैलिएको छ । मणी भण्डारी लगायत विभिन्न स्थानियबासीहरुले यो जग्गा आयूर्वेदिक अस्पताल निर्माण गर्नकालागि दान दिनुभएको थियो ।
