दमक/
झापाको दमकमा बुधबारबाट अमेरिकन खोप जोज सोन एण्ड जोनसोन खोप अभियान सुरु हुँदै छ । यो अभियानमा दमकका व्यवसायी , यातायत मजदुर तथा अन्य विभिन्न क्षेत्रमा कार्यरतहरुले पनि पाउने भएका छन् । मंगलबार दिउँसो सार्वजनिक भएको खोप तालिकाको पहिलो बुदामै लेखिएको छ सुरक्षाकर्मी, दमक उद्योग वाणिज्य सघंका पदाधिकारी तथा व्यवसायी र सार्वजनिक यातायातका चालक तथा सह चालक । यो बुदाले दमकका सबै व्यवसायीले खोप पाइने हो कि भन्ने लाग्न सक्छ । तर त्यसो होईन ।
दमक उद्योग वाणिज्य सघंले पहिलो चरणमा २ सय जना अग्रपंक्तिका व्यवसायीका लागि माग गरेकोमा सोहि अनुसार खोप तालिकामा समेटिएको दमक नगरपालिकाको स्वास्थ्य शाखाका कोभिड फोकल पर्सन कुबेर भट्टराईले जानकारी दिनुभयो । उहाँका अनुसार व्यवसायीको अग्रपक्तीमा तरकारी तथा फलफूल व्यपारी, दुध तथा अण्डा ब्यापारी , माछा /व्यवसायी लगायत मात्रै पर्ने छन् ।
यदि यो समुहलाई लगाएर खोपको कोटा बचत भएमा बस्तुगत समुहका पधाधिकारी र त्यहाँबाट पनि बचत भएमा वाणिज्य सघंका पधाधिकारीहरुले लगाउने गरिको तयारी गरिएको सघंका अध्यक्ष गोकुल श्रेष्ठले जानकारी दिनु भयो । यसमा दमक उद्योग वाणिज्य सघंले नै समन्वय गर्ने सहमति पछि यस्तो निणर्य गरिएको भट्टराईले जानकारी दिनुभयो ।
यस्तै सार्वजनिक यातायातमा काम गर्ने चालक र सहचालक पनि ३ सय जनाले मात्रै खोप पाउने छन् । यसको व्यवस्थापन दमक नगरपालिका अन्तगर्तकै यातायात तथा ट्राफिक व्यवस्थापन समितीले गर्ने छ । समिती अध्यक्ष प्रजापति सापकोटाका अनुसार सार्वजनिक बसमा काम गर्ने सबै चालक र सह चालक, यातायात मजदुरको सघंठनका पदाधिकारी, हल्का सवारी चालक संगठनका पदाधिकारीलाई पनि लगाइने छ । अन्य सिटि र टेम्पो चालकहरुलाई अर्को पटकको अभियानमा सहभागी गराइने उहाँले बताउनु भएको छ । यो सबै समुहलाई बुधबार १० बजे देखि ४ बजे सम्म इलाका प्रहरी कार्यालय भित्र खोप लगाइने दमक नगरपालिकाको सुचनामा उल्लेख गरिएको छ
यस्तै २० गतेनै स्वास्थ्यर्माी, सफाइकर्मि, भिसा लागेर बिदेश जाने व्यक्ति, एम्बुलेन्स चालक, शिक्षक र प्राध्यापक, बैक तथा बित्तिय संस्थाका कर्मचारी, सरकारी तथा संस्थानका कर्मचारी, पत्रकारलाई पनि खोेप लगाइदै छ । यो समुहका लागि भने दमक ६ पशुपति मन्दीरमा खोप केन्द्र तोकिएको छ ।
५० बर्ष उमेर समुहका ब्यक्ति तथा अपांगता भएका क र ख समुहलाई २१ गते बिहिबार भृकुटि आधारभूत विद्यालय दमक १, शिब मन्दिर दमक २ र दमक ३ को वडा कार्यालयमा लगाइदै छ । २२ गते यस्तै कृष्न मा.बि दमक ४, दिपिनि आधारभूत बिद्यालय दमक ५, पशुपति मन्दीर दमक ६, वडा काईलय दमक ७, मा र २३ गते जनता आधारभूत विद्यालय दमक ८, वडा काईलय दमक ९ , नगर स्वास्थ्य केन्द्र दमक १० मा लगाइने दमक नगरपालिकाद्धारा जारी सुचनामा जनाइएको छ । र अन्य अग्रपंतिमा खटीने जनशत्तिलाई २४ गते दमक नगरपालिकाको कार्यलयमा लगाइने दमक नगरपालिकाको स्वाश्स्थ्य शाखाले जनाएको छ ।
दमकमा जोनसोन एण्ड जोनसोन कुल १० हजार ७ सय डोज आएको छ । यस मध्ये ३ हजार ५ सय बेलडाँगी स्थित भुटानी शरणार्थी शिविरका १८ वर्ष उमेर माथीका सबैलाई खोप लगाइने छ । बाँकी ७ हजार २ सय डोज खोप उल्लेखीत तालिकामा परेका स्थानिय समुहलाई लगाइने कोभिड फोकल पर्सन भट्टराईले जानकारी दिनुभयो । शरणार्थीलाई सोमबार २ हजार ३ सय ७४ जनालाई लगाइसकिएको छ । बाँकी छुटेकाहरुलाई कहि दिनभित्रै पूःन लगाइने जनाइएको छ ।
