Search
Close this search box.
" चेन ब्रेकको रणनिती के ?"

लक डाउन गरेर के गर्दै छ दमक नगरपालिका ?

 

दमक/
दमकमा अत्याधिक कोरोना संक्रमित देखिए । मृत्यू हुनेको सख्या पनि बढ्न थाल्यो । अस्पतालका शैया भरिन थाले । अव थेग्न नसक्ने स्थिती भयो है भन्ने लागेपछि त्यसको चेन ब्रेक गर्न अहिले लक डाउन गरिएको छ । दमक नगरपालिकाले साउन ९ गते सर्वपक्षीय भेला गरेर ११ गते राती देखी लागुहुने गरि लक डाउन गर्यो । सुरुमा एक साताका लागि गरिएको लक डाउन यहि बिचमा जिल्ला प्रशाषन कार्यालयले जिल्लानै लक डाउनको घोषणा गर्योे ।
जिल्ला प्रशाषनले लक डाउन गरेपनि केहि प्रावधान राखेर केहि क्षेत्रहरुलाई सञ्चालन गर्न पाउने भन्नेबारेमा पनि अनुमती दिएको थियो । तर दमक नगरपालिकाले आफ्नो पहिलो चरणको लक डाउन सकिएपछि दोस्रो चरणको लक डाउन लगाउने बेलामा जिल्लाका केहि निणर्य दमकमा लागु नहुने भन्दै आफ्ना बेग्लै लक डाउनको मोडालिटि सार्वजिनक गर्यो ।

साउन १७ गते साँझ नगर प्रमुख रोमनाथ ओलीको अध्यक्षमा बसेको कोभिड रोकथाम तथा व्यवस्थापन समितीले लकडाउनको मोडालिटि परिबर्तन गर्दै एक साता लक डाउन थपेको छ । थपीएको लक डाउन अहिले चलिरहेको छ । लक डाउने गरेरनै कोरोनाको चेन ब्रेक गर्न भनेर नगरपालिकाले न्यूनतम २ हप्ता लक डाउने गर्ने जनाएको छ । तर २ हप्ता लक डाउन गरेर नगरपालिकाले यो अवधिमा चाहि के- के काम गर्ने जसले कोरोनाको चेन ब्रेक गर्न सकियोस ।

परिक्षण र निरिक्षण बढाइयो

दमक नगरपालिकाले हप्तामा ३ दिन कोरोना परिक्षण गर्ने गरेको छ । हप्तामा एक दिन सोमबार पिसिआर मार्फत स्वाब संकलन गरेर परिक्षणका लागि पठाउने गरेको छ । यो काम लक डाउन अघि ५० देखि १ सय जनामा सिमित थियो । तर लक डाउन सुरु गरेपछि यसको दायरा बढाइएको दमक नगरपालिका स्वास्थ्य शाखाका नगेन्द्र भट्टराईले जानकारी दिनुभयो । उहाँका अनुसार अहिले पिसिआर मार्फत हप्तामा २ सय देखि २ सय ५० जना सम्मको पिसिआर गरिन्छ । यस्तै एण्टिजेन हप्तामा २ दिन बुधबार र शुक्रबार गरिन्छ । लक डाउन अघि सम्म बढिमा १ सय जनाको एण्टिजेन मार्फत परिक्षण गरिएको कोरोना अहिले ३ सयको हाराहारीमा परिक्षण गर्न थालीएको भट्टराईले बताउनु भयो । साथै संक्रमित भएर होम आइसुलेनमा बस्नेहरुको निगरानीमा पनि ध्यान दिइएको उहाँको भनाई छ । कहि ठुलो मात्रामा परिक्षण गर्नु परेमा समुदायमै गएर कन्ट्रयाक ट्रेसिङ सहितको परिक्षण गरिरहिएको उहाँको भनाई छ । होम आइसुलेसनमा बसेका संक्रमितहरुलाई न्यूनतम औषधिहरुपनि पुर्याउने गरिएको जनाइएको छ ।

फरक नितिका साथ काम सुरु

दमकमा भएको लक डाउन पूणर् रुपमा कार्वान्वायन हुन सकेको छैन । यसको प्रमुख कारण हो , पूवै पश्चिम राजमार्गमा चल्ने सार्वजनिक यातायात । यसले गर्दा नागरिकको हिडडुललाई नियन्त्रण गर्न सकिएको छैन । तर पनि यसको दमकमा कडा लक डाउन गरिएको दावि निरन्तर नगरपालिकाले गरिरहेको छ । यसै बिचमा पछिल्लो पटकको लक डाउनको मोडालिटिमा परिमार्जन गर्दै प्रभावकारी रुपमा अघि बढ्ने योजना बनाइएको नगरकी प्रवक्ता तथा उप प्रमुख गीता अधिकारीले बताउनु भयो । जिल्ला स्थित जिल्ला प्रशाषन कार्यालयले जिल्लाभर लक डाउन जारी गरेको आदेशमा पनि नगरको जोखिमका आधारमा केहि परिमार्जन गरेर माडालिटि परिवर्तन गरिएको उहाँको भनाई छ । सडकमा हुने चहल पहलमा कमी आउने विस्वास नगरको छ ।

उपचार गर्र्ने अस्पतालको क्षमता बढाउन भने सकिएको छैन । दमक नगरपालिका मार्फत सञ्चालित दमक अस्पतालको कोभिड उपचार केन्द्रमा ३० बेड छ । अहिले त्यहाँ यसको क्षमता भन्दा बढि बिरामी छन् । उप- प्रमुख आफैले संक्रमित बढेको र अस्पलतालको क्षमताले धान्न मुस्किल भएको बताउनु भएपनि त्यसको क्षमता बिस्तार गर्न के गरिदैछ भन्नेबारेमो योजना भने सुनाउनु भएन । उहाँले अवस्था जटिल बन्दै गएकाले सबैले संयमता अपनाउनु पर्ने बताउनु भयो । संयमता अपनाए मात्रै कोरोनालाई पराष्त गर्न सकिने उहाँको भनाई छ । सबैको साथ र सहकार्यबाट मात्रै महामारी जित्न सकिने भएकोले हातेमालो गर्न पनि उहाँको आह्वान रहेको छ ।

Share:

Facebook
Twitter
Email
WhatsApp