दमक/
झापामा मात्रै होटलहरुमा मासिक ५ अर्व रुपैँया कारोबार हुन्छ । प्रदेश १ को कुरा गर्ने हो भने ८ अर्व भन्दा माथी हुन्छ । तर अहिले यो कारोबार २० प्रतिशत भन्दा कममा झरेको छ ।
होटल व्यवसायी सघं प्रदेश १ का अध्यक्ष राजन दंगालले उज्यालो खवरसँग कुरा गर्दै भन्नु भयो अव पनि पर्यपटकीय क्षेत्रको पहिचान गरेर त्यसमा पर्यटकलाई चलायमान नबनाउने हो भने धेरै होटलहरु धारासायी बन्ने छन् ।
कोरोना कालबाट भर्खरै तंग्रदै गरेको होटल व्यवसाय अहिलेको संकटपूणर् अर्थतन्त्रले थप समस्यामा परेको दंगालको भनाई छ । आज दमकमा होटल व्यवसायी सघं माई पश्चिमको क्षेत्रीय समितीले सम्पन्न गरेको कार्यक्रममा उज्यालोसँग कुरा गर्दै दंगालले भन्नु भयो ‘होटल व्यवसाय गर्ने र यसमा आश्रीत परिवार अहिले धेरै समस्यामा छन् । यसको निकास सरकारको कुन तहले कसरी निकाल्ने हो निकाल्नु पर्यो ।’
पर्यटन उद्योगको एउटा बलियो खम्बाका रुपमा रहेको होटल व्यवसायलाई उकास्ने कुरामा संघ, प्रदेश र स्थानीय तीनवटै सरकारको ध्यान पुग्न नसकेको गुनासो उहाँको छ । ‘मझौला तथा साना होटल व्यवसायीहरुले सरकारले दिएको विद्युत महशुलको छुट उपभोग गर्न नपाएको, अन्य प्रदेशमा जस्तो प्रदेश १ मा विदेशी पर्यटकहरुलाई ओसारपसार गर्नका लागि निलो प्लेटको गाडी चलाउन नपाएको तर पर्यटकीय होटल दर्ता गर्दा लाग्ने ५ लाख धरौटी रकम भने घटाएर १ लाखमा ल्याउन आफूहरु सफल भएका छौ ।’ ।
दंगालले अहिले होटल व्यवसायीहरुलाई बैंकको चर्को व्याज तिर्न धौ धौ परिरहेकाले सो मा न्यूनीकरण गरी समग्र होटल व्यवसायलाई माथि उठाउन राहत प्याकेजका कार्यक्रमहर ल्याउनुपर्ने धारणा राख्नु भयो ।
समितीको १४ औ साधारणसभा सम्पन्न
होटल व्यवसायी संघ क्षेत्रीय समिति दमकले आफ्नो १४ औं वार्षिक साधारणसभा तथा बनभोज कार्यक्रम शुक्रबार सम्पन्न गरेको छ ।
झापाको दमक-२ भाङबारीस्थित हाम्रो दमक फन पार्कमा भएको सो कार्यक्रममा प्रमुख अतिथी दमक नगरपाकिलाका प्रमुख राम कुमार थापा रहनु भएको थियो ।
कार्यक्रममा शुभकामना मन्तव्य राख्दै होटल व्यवसायी संघ झापाकी अध्यक्ष इन्दिरा श्रेष्ठले होटल व्यवसायीहरु संगठित भएर आफ्ना पीर मर्का र समस्या समाधानका लागि एकभएर अघि बढ्नुपर्ने आवश्यकता औंल्याउनु भयो ।
कार्यक्रमको उद्घाटन सत्रमा होटल व्यवसायी संघ दमकका अध्यक्ष तथा कार्यक्रमको समेत अध्यक्षता गरेका योगराज दंगालले संस्थाको वार्षिक प्रतिवेदन तथा आय व्यय विवरण पेश गर्दै होटल व्यवसायीहरुको हक, हित र अधिकारका लागि साथै परेका समस्याहरुको सम्बन्धित निकायमा पुगेर समाधान गर्न आवश्यक पहलकदमी लिने प्रतिवद्धता व्यक्त गर्नुभयो । संघका महासचिव भुपेन्द्र न्यौपानेले संचालन गरेको कार्यक्रममा स्वागत मन्तव्य कार्यसमिति सदस्य राजकुमार गौतमले राखेका थियो ।
बनभोज कार्यक्रम भएकाले विभिन्न गीत तथा नृत्यहरु समेत प्रस्तुत गरिएको थियो । संघले विभिन्न समयमा स्वास्थ्य शिविर, फुड फेष्टिबल र सचेतनाका कार्यक्रमहरु गर्दै आएको छ । दमकमा करिव साढे ३ सय होटल व्यवसायीहरु संघमा आवद्ध रहेका छन् ।
बनभोज कार्यक्रममा दमक नगरपालिकाका नगर प्रमुख रामकुमार थापाको प्रमुख आतिथ्यता तथा वडाध्यक्षहरु क्रमशः ५ का इन्द्र बहादुर गुरुङ, ६ का टेकबहादुर थापा, ७ का भिम प्रसाद पौडेल र ८ का दिपेश दाहाल लगायतको आतिथ्यता रहेको थियो ।










