दमक/
दमक उद्योग वाणिज्य सघंको ३१ औ साधरण सभा सुक्रबार निकै ताम झाम सहित सम्पन्न भयो । हलभरी सदस्यहरुको उपस्थिती रहेको थियो ।
आगामी माघ सात गते नयाँ नेतृत्व छान्ने मिती तय गरेको सस्थाले आफ्ना सम्पूणर् सदस्यहरुबाट सदस्यता नविकरण भने गराउन सकेन ।
५ हजार बढी सदस्य रहेको यो सस्थामा २ हजार हाराहारीले मात्रै नविकरण गरेको सस्थाले नै सार्वजनिक गरेको प्रतिवेदनमा उल्लेख गरिएको छ ।
लेखा समितीले सार्वजनिक गरेको प्रतिवेदनले जनाए अनुसार कुल ५ हजार ४० सदस्य रहेको सस्थामा २ हजार २८ जनाले मात्रै नविकरण गरेका छन् । समितीले यसमा सुधार गर्न सुझाव पनि दिएको छ ।
खोम प्रसाद वगाले संयोजक रहेको यो समितीले संघको सदस्य संख्या घटेको हुँदा आवश्यक निती बनाइ सदस्यता निवकरण थप गर्न सुझाव दिएको छ ।
राजनैतिक हावीले सस्थाको गरिमा खुम्चदै
खासगरि निर्वाचन ताका उम्मेदवार र उम्मेदवारका आकक्षीहरुले अगाडी देखीनै आफ्ना पक्षका वा आफुलाई निर्वाचनमा भोट हाल्ने सहमती गराएर नविकरण गरिदिने प्रबृतिले पनि सदस्यहरुमा नविकरणको गर्नु पर्छ भन्ने दायीत्व कम भएको हुन सक्ने पूर्व अध्यक्ष बिजय बरालले बताउनु भयो ।
‘ चुनावका बेलामा लाखौ खर्च गरेर निर्वाचनमा लड्ने र त्यसपछि आफु पदमा पुगेपछि व्यवसायीको हितकालागी सकरात्मक कामहरु कमै भएकाले पनि सघंं प्रति व्यवसायीको आकर्षण कम भएको हुनु पर्छ ।’
बरालले उज्यालो खवरसँग कुरा गर्दै भन्नु भयो । ‘त्यो भवन पनि हामीले नै बनाएका हौ ,नयाँ आएकाहरुले माथी ट्रस्ट लगाउने र भित्रको हललाई केहि व्यवस्थापन गरे, हामीले नयाँ उद्यमी उत्पादन गर्न भनेर इलम प्रशिक्षण केन्द्र मार्फत काम गर्नकालागि जग्गा पनि व्यवस्थापन गर्यौ तर त्यसलाई समेत अहिलेका पदाधिकारीले प्रयोग गर्न सकेका छैनन् । ’ बराल भन्नु हुन्छ ।
पछिल्लो समय पद र कुर्सीको मोहकालागि चुनावमा लाडने तर भएको सम्पतीको समेत संरक्षण र प्रयोग गर्न नसकी बेवारिसे बनाइदिने, उद्योगी व्यवसायी भन्दा पनि राजनैतिक गतिविधि बढी गर्ने प्रबृद्धिका कारण पनि सघंमा पुराना सदस्यहरुले नविकरण नगरेको हुन सक्ने उहाँको ठम्याई छ । यसले पछिल्ला समय संघमा राजनैतिक हावि हुँदै गएको र व्यवसायीका मुद्धा भन्दा राजनैतिक मुद्धा बोक्नेहरु नेतृत्वमा पुगेका कारण सस्थाको गरिमा खस्कदै गएको बरालको टिप्पणी छ ।










