दमक/
दमकका उद्योगी तथा व्यवसायीलाई अहिले चुनाव लागेको छ । हरेक तीन/तीन वर्षमा हुने दमक उद्योग वाणिज्य सघंले नयाँ नेतृत्व पाउनकालागि निर्वाचनको तयारी गरिरहेको छ । यसै सन्दर्भमा सुक्रबार विभिन्न पदका उम्मेदवारहरुले मनोनयन दर्ता गराएका छन् ।
सर्वसम्मत नेतृत्व चयन गर्न अन्तिम समय सम्म प्रयास गर्दा पनि हुन नसकेपछि अन्तत्वगत चुनाव नै हुने भएको हो । सघंले आफ्नो निर्वाचन कार्यतालिका सार्वजनिक गर्यो । सो तालिका अनुसार विभिन्न उम्मेदवारहरुले आ आफुले रोजेको र योग्य ठानेका पदमा मनोनयन दर्ता गराइसके । अव अहिले मनोनयन दर्ता गराएका हरु बजारमा निस्केर आफ्ना चुनावी प्रचारका कार्यक्रम गर्न थालीसकेका छन् ।
बरिष्ठ उपाध्यक्ष पद सस्थाको दोस्रो बरियताको पद हो । यसमा यस अघी कार्यसमितीमा बसेर काम गरिसकेकाहरुले दावि गर्न पाउँने छ । यो पटक बरिष्ठ उपाध्यक्षमा दुई यूवा उम्मेदवार बिच कडा प्रतिस्पर्धा देखिएको छ । प्रगतिशिल प्यानलबाट उम्मेदवार बन्नु भएका राजन दंगाल र लोकतान्त्रीक प्यानलबाट उम्मेदवार बन्नु भएका राजु खड्का बिच प्रतिस्पर्धा हुने भएको हो ।
दंगाल होटल व्यवसायी सघं प्रदेश १ को अध्यक्ष हुनहुन्छ । माई पश्चिम होटल व्यवसायी सघंको दुई कार्यकाल समेत सम्हाली सक्नु भएका उहाँसग व्यवसायीक नेतृत्व गर्ने क्षमता देखिन्छ । उहाँ आवद्ध रहेको संगठनमा रहँदा होटल व्यवसायीको मुद्धालाई सरकारका तीन तह सम्मै प्रभावकारी रुपमा राख्न सफल हुनु भएका दंगालले यो पटक भने सबै उद्यमी र व्यवसायीमा मुद्धा बोक्ने अठोट गर्नु भएको छ । यसकालागी दमक उद्योग वाणिज्य संघको बरिष्ठ उपाध्यक्ष पदले आफुलाई मद्यत गर्ने उहाँको विस्वास छ । ‘अहिले चल्नै नसकेको व्यापारलाई कसरी चलायमान गराउँने ? त्यो बारेमा योजना बनाएर अघी बढ्न यो पटक दमक उद्योग वाणिज्य संघको बरिष्ठ उपाध्यक्षमा उम्मेदवारी दिएको हुँ । दंगालले बताउनु भयो ।
यता लोकतान्त्रीक प्यानलबाट बरिष्ठ उपाध्यक्षको उम्मेद्धवार रहनु भएका राजु खड्का आफु व्यवसायीमाझ चिरपरिचित रहेको र उद्योगी व्यवसायीको समस्या महसुस गर्न सक्ने उम्मेदवार रहेको दावि गर्नु हुन्छ । कम उमेरमै व्यवसायीक क्षेत्रमा आफ्नो प्रभाव जमाइरहनु भएका खड्काकालागि सघंको निर्वाचनले सँधै साथ दिइरहेको छ ।
कार्य समिती सदस्य हुँदै प्रथम उपाध्यक्ष भएर काम गरेको र यसले अफुमा धेरै कुराको अनुभव गराएको हुँदा पनि यो पटक बरिष्ठ उपाध्यक्षमा उम्मेदवारी दिएको उहाँले बताउनु भयो । यहाँ बसेर उद्योगी र व्यवसायीकालागि केहि रचनात्मक काम गर्न सकिने रहेछ , तालिमहरु गराएर गरिरहिएको व्यवसायलाई थप परिस्कृत गराउन सकिने रहेछ । यस्ता काम गर्न आफुले उम्मेदवारी दिएको उहाँको भनाई छ ।
सघंको माघ ६ गते निर्वाचन हुँदै छ । २४ पदका लागि अहिले विभिन्न पदमा गरेर ४२ जनाले उम्मेदवारी दिएका छन् ।
भिडियो रिपोर्ट










