दमक/
‘फूड फेस्टिवल’ भन्ने वित्तिकै सबैको मनसपटलमा आउँछ परिकारको स्वाद चाख्न पाउँने उत्सव । यसका अगाडी वा पछाडी कुनै ठाउँको नाम जोडियो भने त्यो ठाउँको पहिचान झल्काउने स्वाद पनि चाख्न पाइन्छ होला भन्ने कुरा सबैले अनुमान गर्न सक्छन् । तर झापाको दमकमा भने पर्याप्त स्वादनै चाख्न नपाउँदै ‘दमक फूड फेस्टिवल’ सकियो ।
गत फागुन ११ गते देखी १९ सम्म चलेको ‘दमक फूड फेस्टिवल’मा व्यवसायीक स्टल राख्नकालागि भनेर ३५ वटा स्टल तयार पारिएको थियो । तर यी स्टलहरु चार वटा होटलहरुले मात्रै आफ्ना परिकार राखेको स्टल संयोजक गणेश अधिकारीले उज्यालो खवरलाई जानकारी दिनुभयो ।
‘ यो पटक के कारणले हो हामीले पर्याप्त स्टल भाडामा लगाउँनै सकेनौ , जनताजातीहरुको परिकार राख्नकालागि भनेर हामीले निशुल्क आह्वान पनि गर्यो तर पनि आएनन् ।’अधिकारीले भन्नु भयो सायद हामी यो पटक ‘फेल भयो क्यार’
निशुल्क स्टलको प्रबन्ध गरेपनि यहाँ कुनै पनि जातीय परिकार चाख्न पाइएन । दमकमा धिमाल जाती प्रथम नागरिक हो । तर यो पटक धिमालका परिकार पनि चाख्न नपाइ महोत्सव सकियो ।
यस भन्दा अघी हुने गरेका महोत्सवमा धिमाल, राई, लिम्बु, तथा अन्य जातका जातीय परिकारहरुले छुट्टा छुट्टै स्टलमा परिकार बेच्ने गरेपनि यो पटक भने त्यस्तो देखिएन ।
दमक उद्योग वाणिज्य सघंले पनि यस पटक ‘दमक फूड फेस्टिवल’मा सहयोग नगरेको आरोप होटल व्यवसायी सघं दमकका अध्यक्ष योगराज दंगालले लगाउनु भयो । ‘पालो सबैको आउँछ , सहकार्यकालागि सबै चाहिन्छ तर यो पटक दमक उद्योग वाणिज्य सघंले देखाएको व्यवहारले हाम्रो मन दुखेको छ । ’दंगालले भन्नु भयो । जातीय सघं सस्थाहरुलाई पनि पटक पटक निशुल्क स्टल राख्न आउनुुुस भन्दा समेत नआएकोमा पनि उहाँले आक्रोस पोख्नु भयो ।
फेस्टिवलमा विभिन्न साङ्गतिक कार्यक्रम भएका थीए । त्यहि कार्यक्रम हेर्न बेलुका दर्शक पुगेपनि फुड फेस्टिवलमा स्वाद चाख्नै जाने भने अत्यन्तै न्यून मात्रै अवलोकनकर्ता पुगेका थीए ।










