अम्रिसो कुचोको मूल्य यो वर्ष उच्च

 

इलाम / आर्थिक थेगभरका लागि भरपर्दो स्रोत हुँदै गएको कुचो यो वर्ष उच्च मूल्यमा बिक्री हुँदा इलामका किसान हर्षित भएका छन्। फागुनको अन्तिम सातामा आइपुग्दा अहिले १३० रुपियाँ प्रतिकिलोसम्म खरिद–बिक्री भइरहेको कुचोको यो मूल्य अहिलेसम्मकै उच्च हो।

कुचोको किनबेच हुने मुख्य यो याममा मूल्य भने विगत वर्षभन्दा निकै राम्रो भएको उद्योग वाणिज्य सङ्घ इलामका अध्यक्ष कृष्ण पौड्याल बताउनुहुन्छ। अम्लिसोको घाँसबाट उत्पादन हुने कुचो अन्ततः सरसफाइ अर्थात् कसिङ्गर बढार्न प्रयोग हुने गरेको छ। माघ महिनादेखि किसानले कुचो निकालेर बिक्री गर्ने गरेका छन्। यस पटक पनि माघ महिनामा एक सय रुपियाँदेखि ११० रुपियाँ प्रतिकिलोका दरले खरिद–बिक्री भएको कुचोले फागुन महिनामा भने राम्रो मूल्य पाएको अध्यक्ष पौड्यालको भनाइ छ।

“भारतमा कुचोको खपत राम्रो छ। कुचोको खरिद–बिक्री र निकासीमा कुनै समस्या नहुँदा पनि किसानले राम्रो मूल्य पाएका छन्,” पौड्यालले भन्नुभयो, गतवर्ष प्रतिकिलो ८० रुपियाँका दरले किसानले बिक्री गरेको कुचोको मूल्य उच्च हुँदा इलामका किसानलाई धेरै फाइदा मिलेको छ।

पौड्यालले इलामको बिल्याँटे बजारबाट मात्रै बर्सेनि दुई हजार क्विन्टल कुचो निकासी हुने गरेको बताउनुभयो। उहाँका अनुसार इलामका एउटै किसानले ५० मनसम्म कुचो बिक्री गर्ने गरेका छन्।

विगत वर्षमा कुचोको मूल्य २० रुपियाँ प्रतिकिलोसम्म बिक्री भएको थियो। न्यून मूल्यका कारण किसानले कुचो उत्पादनमा ध्यान दिन छोडेका थिए। मूल्य बढेपछि किसानले गोदाममा थन्क्याएको कुचो निकालेर बिक्री गर्न थालेको मङ्गलबारे प्याङका किसान विष्णु आचार्यले बताउनुभयो। “अघिल्लो वर्ष कोभिडका कारण भाउ नआउँदा कति त अम्लिसो नै उखेलियो, यो वर्ष चाहिँ कुचोको पनि भाउ राम्रो छ,” आचार्यले भन्नुभयो। अब अम्लिसो फेरि लगाउने सोच आएको छ। किसानले अम्लिसोलाई बहुउपयोगी वस्तुका रूपमा रोप्ने गरेका छन्। गाईबस्तुलाई घाँस खुवाउन, यसको डाँठ दाउरा बाल्न र फूल बेच्न हुने भएकाले किसान अम्लिसो खेतीप्रति आकर्षित पनि हुने गरेका छन्।

इलामबाट निकासी हुने कुचो झापाको धुलाबारी हुँदै भारतको सिलिगुडी, बेङ्लोरलगायतका सहरमा जाने गरेको छ। इलामबाट गएको कुचो धुलाबारीमा प्रशोधन गरग्रेडिङपछि मात्र निर्यात हुने गरेको छ। जिल्लाका फिक्कल, हर्कटे, बिल्याँटे, नयाँबजार, चिसापानी, मङ्गलबारे, दानाबारी, तीनघरेलगायतका बजार र गाउँमा कुचो बिक्री हुन्छ। सुम्बेक, सुलुबुङ, माईमझुवा, पञ्चकन्यालगायत जिल्लाका अधिकांश गाउँमा कुचो उत्पादन हुने गरेको छ। अझ, कन्याम र कोल्बुङका किसानले त अम्लिसोको कुचोसहित घाँस र डाँठलाई दाउराका रूपमा बिक्री गर्ने गरेका छन्। जिल्लाको साढे पाँच हजार हेक्टरमा अम्लिसो लगाइएको सरकारी तथ्याङ्क छ।

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

प्रधानमन्त्री बालेन्द्र शाह भारत प्रस्थान, दिल्लीमा राज्यमन्त्रीद्वारा स्वागत

काठमाडौं ,६ मंसिर। प्रधानमन्त्री बालेन्द्र (बालेन) शाह दुईदिने राजकीय भ्रमणका लागि भारत पुग्नु भएको छ ।भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री शाह आइतबार भारतको नयाँदिल्ली

३५ सदस्यीय टोलीसहित प्रधानमन्त्री शाहको भारत भ्रमण

काठमाडौं ,६ मंसिर। प्रधानमन्त्री बालेन्द्र शाहको भारतको औपचारिक राजकीय भ्रमणमा ३५ सदस्यीय प्रतिनिधिमण्डल सहभागी भएका छन् ।भ्रमण टोलीमा प्रधानमन्त्री शाहसहित अर्थमन्त्री डा. स्वर्णिम वाग्ले, परराष्ट्रमन्त्री

विराजभक्त श्रेष्ठ कार्यवाहक प्रधानमन्त्री

काठमाडौं ,६ मंसिर। ऊर्जा, जलस्रोत तथा सिँचाइमन्त्री विराजभक्त श्रेष्ठले कार्यवाहक प्रधानमन्त्रीको जिम्मेवारी पाँउनु भएको छ। प्रधानमन्त्री बालेन्द्र शाह भारत भ्रमणमा निस्केपछि श्रेष्ठले कार्यवाहक प्रधानमन्त्रीको जिम्मेवारी

३५ सदस्यीय टोलीको नेतृत्व गर्दै प्रधानमन्त्री बालेन्द्र शाह भारत भ्रमणमा प्रस्थान

काठमाडौं ,६ मंसिर। प्रधानमन्त्री बालेन्द्र शाह ३५ सदस्यीय प्रतिनिधिमण्डलको नेतृत्व गर्दै भारतको औपचारिक राजकीय भ्रमणका लागि प्रस्थान गर्नु भएको छ ।प्रधानमन्त्री शाहसँगै अर्थमन्त्री डा. स्वर्णिम

कीर्तिमानै कीर्तिमानका साथ एनपीएलको तेस्रो संस्करण सम्पन्न, सुदूरपश्चिम च्याम्पियन

काठमाडौं ,६ मंसिर। नेपाल प्रिमियर लिगको तेस्रो संस्करण शनिबार सम्पन्न भएको छ । नेपाल क्रिकेट संघ(क्यान)को आयोजनामा कात्तिक ९ गतेदेखि सुरु भएको प्रतियोगितामा आठ टोली

अस्ट्रेलियाका पूर्व सांसद म्याग्वायरलाई ३ वर्ष जेल सजाय

सिड्नी,६ मंसिर । चिनियाँ नागरिकहरूको भिसा आवेदनमा नक्कली रोजगारी प्रायोजन (स्पोन्सरसिप) मिलाउने योजनामा संलग्न रहेको अभियोगमा अस्ट्रेलियाको न्यू साउथ वेल्स (एन् एस् डब्ल्यू) राज्यका पूर्व

नेपालको आकाशमार्ग प्रयोग गरी सैन्य विमान उडाउने प्रस्ताव नगरेको भारतको भनाइ

काठमाडौं,६ मंसिर । भारतले नेपालको आकाशमार्ग प्रयोग गरी सैन्य विमान सञ्चालन गर्ने प्रस्ताव नगरेको स्पष्ट पारेको छ । भारतीय सैन्य विमानलाई नेपालको बागडोगरा प्रवेश बिन्दु