दमक/
झापाको कमल गाउँपालिका स्थित रङपुरबाट गौरादह जोड्ने सडक अहिले धमाधम कालोपत्रे हुने काम भइरहेको छ ।
बाह्रघरे -रङपुर गुहाबारी सडक बन्नु पर्छ भन्ने कुरामा स्थानियबासीहरुको वर्षौदखिको सपना थियो । लामो पर्खाइपछि बनेको यो सडकले गाउँमा विकास हुन थालेछ भन्ने कुराको प्रत्याभूति दिन थालेको स्थानिय उपभोक्ताहरुले प्रतिकृया दिएका छन् ।
गाउँका उत्पादन शहरका बजारमा लगेर बेचेर आम्दानी बढाउन पाइने भइयो भन्ने कुरामा अव यस क्षेत्रका नागरिकहरु हर्षित भएका छन् भने अव अन्य विकासका पूर्वाधार पनि बन्छ भन्नेमा विस्वस्त छन् ।
जे एण्ड जे गिताञ्जली जेभि निर्माण कम्पनीले यो सडक निर्माण गर्ने काम गरिरहेको छ । १७ करोड ५० लाख रुपैैया लगानीमा बन्न लागेको यो सडक १२.५ किलोमिटर लामो छ । ५.७५ मिटर चौडाई रहेको यो सडक अहिले ६ किलोमिटर भन्दा बढि क्षेत्र सडक बनाउने काम सकिसकेको छ । डेढ किलोमिटर त कालोपत्रे नै सकिएको छ । निर्माण कम्पनीका अनुसार अहिले सम्म आर्थीक रुपमा ११ करोडको काम सम्पन्न भइसक्यो । तर ठेक्का लगाउने निकाले समयमा भुक्तानी नदिएका कारण काम गर्न असहज भएको कम्पनीका प्रोप्रइटर राजकुमार थापा बताहुन्छ ।
२०७९ साल असार ३० गते निर्माण गर्ने भनेर सम्झौता भएको छ । यो सडक आगामी २०८१ साल असार ३० गते सम्ममा सक्नु पर्छ । अर्थात अव एक वर्षभित्रमा यो सडक पूणर् रुपमा बनि सक्नु पर्ने छ । अहिले पछिल्लो समय मौसमले साथ दिएमा ग्रावेल गरिसकेको क्षेत्रमा यहि असार मसान्त भित्रमा कालोपत्रे गरिसक्ने लक्ष्य रहेको दमक स्थित सडक डिभिजन कार्यालय दमकका सव इन्जिनियर दिनेश कुमार यादवको भनाई छ ।
कमल गाउँपालिकाको वडा नं ६ स्थित गुवाबारी देखी सैनिक चौक,रङपुर,बाह्रघरे, सिताचौक, स्कुलचौन हुँदै दामुना सम्म यो सडक पुग्छ । अहिले निर्माणाधिन यो धमाधम कालेपत्रे भइरहेको छ । यहाँका स्थानिय जनप्रतिनिधीहरुले आवश्यकताको महसुस गरेर यो सडक सरकारी योजनामा पार्न सफल भएका हुन । यसैको पहलले सार्थकता पाएर अहिले काम चलिरहेको छ यहि कमल गााउँपालिका वडा नं ७ का वडाध्यक्ष पृश्वि राई बताउनु हुन्छ ।
नेपाल सरकारले सबै सांसदहरुको निर्वाचन क्षेत्रमा एक एक वटा रणनितीक सडक बनाउने घोषणा गरेबमोजिम यो योजना पनि त्यहि घोषणा अन्र्तगतको हो । यहि क्षेत्र अर्थात झापा निर्वाचन क्षेत्र नं ५ का प्रतिनिधीसभा सदस्यद केपि शर्मा ओलीको निर्वाचन क्षेत्रलाई लक्षीत गरेर सरकारले यो सडकको योजना पारिदिएको हो ।
यो सडक निर्माणका क्रममा यहि क्षेत्रका प्रदेश सांसद होम बहादुर थापा अनुगमनमा जानु भएको छ । अनुगनका क्रममा केहि ठाउँमा कैफियत पनि भेटिएको र ती ठाउँमाहरुमा सुधार गर्न निर्माण पक्षलाई सुझाव दिइएको उहाँले उल्लेख गर्नु भयो । कामलाई सहि तरिकाले विना अवरोध गर्ने हो भने निर्धारित समयमै सकिने विस्वास उहाँमा रहेको छ ।
यो सडकले दमक सम्मको दुरी छोट्याइदिएको छ । अव गौरादह जान पनि साझै जान सकिने छ भने अन्य विभिन्न बजारहरु सम्म निस्कन यो सडकले सहजता दिने विस्वास गरिएको छ ।
भिडियोमा हेरौ
